औरंगाबाद : वंचित बहुजन आघाडी आणि काँग्रेस यांच्या संयुक्त ‘लोकसेवा विकास आघाडी’च्या गट नेतेपदी वंचित बहुजन आघाडीचे अफसर खान यांची सर्वानुमते निवड करण्यात आली.
वंचित बहुजन आघाडी आणि काँग्रेस या दोन्ही पक्षांनी एकत्र येऊन जनहिताच्या कामांना गती देण्यासाठी ही आघाडी स्थापन केली असून, त्याचे नेतृत्व आता अफसर खान यांच्याकडे सोपवण्यात आले आहे.
या निवड प्रक्रियेवेळी दोन्ही पक्षांचे प्रमुख पदाधिकारी आणि नगरसेवक उपस्थित होते. यावेळी मालिका हबीब कुरेशी, अमित भुईगळ, करुणा मेघानंद जाधव, जरीना जावेद कुरेशी, योगेश बन, अक्रम खान आदी उपस्थित होते.
