परभणी : शहिद सोमनाथ सूर्यवंशी यांच्या परिवाराला एक कोटी रूपये आर्थिक सहाय्य देऊन परिवारातील एका व्यक्तीला कायमस्वरूपी शासकीय नोकरीत समाविष्ट करून घेण्यात यावे. या करीता वंचित बहुजन आघाडीच्या वतीने परभणी जिल्हाधिकारी कार्यालयावर विराट जन आक्रोश मोर्चा काढण्यात आला.
परभणी येथील डॉ. बाबासाहेब आंबेडकरांच्या स्मारकाजवळील भारतीय संविधानाची विटंबना करण्यात आली होती. त्यांनतर आंबेडकरी जनतेने या घटनेचा निषेध केला. दरम्यान, पोलिसांनी केलेल्या कॉम्बिंग ऑपरेशनमध्ये कायद्याचे शिक्षण घेणारे सोमनाथ सूर्यवंशी यांना अटक करण्यात आली. त्यांनतर झालेल्या पोलिसांच्या जबर मारहाणीत त्यांचा मृत्यू झाला होता.
या घटनेमुळे आंबेडकरी चळवळीतील ज्येष्ठ नेते विजय वाकोडे यांचेही निधन झाले. त्यांना देखील पोलिसांनी आरोपीच्या पिंजऱ्यात उभे करण्याचे काम केले होते. या दोन्ही भीमसैनिकांना न्याय मिळावा म्हणून हे आंदोलन करण्यात आले.
