मुंबई : एअर इंडियाच्या विमानांमध्ये सतत घडणाऱ्या तांत्रिक बिघाडांच्या घटना चिंतेचा विषय ठरत आहेत. नुकतीच अहमदाबादच्या विमानात घडलेली घटना ताजी असतानाच, आता हाँगकाँगहून दिल्लीला येणाऱ्या एअर इंडिया AI315 या फ्लाइटमध्ये देखील गंभीर तांत्रिक बिघाड झाल्याची धक्कादायक माहिती समोर आली आहे. (Air India flight)
विमान दिल्लीकडे न घेता तातडीने हाँगकाँगमध्ये परत पाठवण्यात आले. तेथे विमानाची आपत्कालीन लँडिंग करण्यात आली. सुदैवाने, या घटनेत कोणतीही जीवितहानी झाली नाही आणि सर्व प्रवासी सुखरूप असल्याची माहिती मिळाली आहे. (Air India flight)
काय घडलं नेमकं?
AI315 हे बोईंग प्रकारचे विमान हाँगकाँगहून दिल्लीकडे रवाना झाले होते. विमानात तांत्रिक अडचणी जाणवू लागल्या. सुरक्षेच्या दृष्टीने कोणतीही जोखीम न घेता, विमान पुन्हा हाँगकाँगच्या दिशेने वळवण्यात आले. हाँगकाँग एअरपोर्टवर विमानाची आपत्कालीन लँडिंग करण्यात आली.
गेल्या काही महिन्यांपासून एअर इंडिया विमान कंपनीच्या अनेक फ्लाइट्समध्ये अशा स्वरूपाचे बिघाड आढळत आहेत. काही प्रकरणांमध्ये उड्डाणाच्या वेळीच अडचणी निर्माण झाल्या आहेत, तर काही वेळा लँडिंग दरम्यानही तांत्रिक बिघाड समोर आले आहेत. (Air India flight)
