मुंबई : मुंबईच्या गिरगाव परिसरात एक धक्कादायक घटना घडली. सिग्नलजवळ मेट्रोचे काम सुरू होते. त्याच ठिकाणी अगदी जवळून जात असताना बेस्टची एक बस अचानक रस्ता खचल्याने पाच फूट खोल खड्ड्यात अडकली. सुदैवाने या घटनेत कुठलीही जीवितहानी झालेली नाही. ही घटना सोमवारी सकाळच्या सुमारास घडली.(Mumbai News)
सिग्नलजवळ मुंबई मेट्रोचे खोदकाम सुरू आहे. त्याच भागात रस्त्याच्या समांतर बाजूने बेस्टची बस प्रवाशांसह जात होती. मात्र, अचानक बसच्या मागच्या चाकाखालील रस्ता खचला आणि ती बस खोल खाद्यात अडकली. मेट्रोचे काम सुरू असल्यामुळे जमीन कमकुवत झाली होती, असा प्राथमिक अंदाज वर्तवला जात आहे. घटनेवेळी बसमध्ये काही प्रवासी प्रवासी देखील होते. मात्र सुदैवाने कुठलीही जीवितहानी झालेली नाही. (Mumbai News)
अशा घटनेमुळे स्थानिक नागरिक संताप व्यक्त करत आहे. तसेच वाहतूक पोलीस आणि मुंबई महानगरपालिकेच्या अधिकाऱ्यांमुळेच हे परिस्थिती उद्भवली आहे असे देखील बोलले जात आहे. (Mumbai News)
