पुणे : पुण्यातील नदीवरील पूल कोसळल्यामुळे मोठी घटना घडली. यामध्ये सहा जणांचा मृत्यू झाल्याची धक्कादायक घटना घडली. मावळ तालुक्यातील कुंडमळा येथे रविवारी ही घटना घडली. या अपघातात एका बाप लेकाचा मृत्यू झाल्याची माहिती मिळाली आहे.
मावळ तालुक्यातील कुंडमळा येथील प्रसिद्ध पर्यटनस्थळ इंद्रायणी येथे पुलावर पर्यटकांची मोठ्या प्रमाणात गर्दी झाली होती. तसेच काही पर्यटक रविवारची सुट्टीचा आनंद घेण्यासाठी आले होते. याच वेळी पूल कोसळल्याने धक्कादायक घटना घडली. तसेच फादर्स डेचं सेलिब्रेशन करण्यासाठी बाप लेक हे दोघे आले होते. मात्र, काळाचा घाला झाला. या घटनेमुळे सर्वत्र हळहळ व्यक्त केली जात आहे.
या घटनेत रोहित माने आणि त्यांचा मुलगा विहान माने यांचा दुर्दैवी मृत्यू झाला. फादर्स डेचं सेलिब्रेशन करण्यासाठी दोघेही बाप लेक कुंडमळा येथे आले होते. त्याच वेळी त्या पुलावर ५० पेक्षा जास्त पर्यटक होते. मात्र. काळाने घाला घातला. यामध्ये सहा जणांचा मृत्यू झाले असून काही जखमी झालेल्यांना रुग्णालयात दाखल करण्यात आले आहे. तसेच वाहून गेलेल्या पर्यटकांचा शोध घेतला जात आहे.
