अकोला : वंचित बहुजन आघाडीचे नेते बाळासाहेब आंबेडकर यांच्या वाढदिवसानिमित्त १० मे २०२५ रोजी एक भव्य राज्यस्तरीय वक्तृत्व स्पर्धा आयोजित करण्यात आली. या स्पर्धेचा विषय होता – “बाळासाहेब आंबेडकर : कार्य आणि आंदोलनांची चार दशकांची प्रेरणादायी वाटचाल.
“या स्पर्धेत अनेक स्पर्धकांनी बाळासाहेब आंबेडकर यांनी शेतकरी, शेतमजूर, ओबीसी, वंचित आणि बहुजन समाजासाठी केलेल्या सामाजिक आणि आंदोलनात्मक कार्यावर आधारित प्रभावी भाषणे दिली. त्यांच्या आंदोलनांमुळे मिळालेल्या अनेक सामाजिक लाभांचेही विश्लेषण करण्यात आले.
कार्यक्रमाचे उद्घाटक वंचित बहुजन युवा आघाडीचे अध्यक्ष निलेश विश्वकर्मा हे होते. प्रमुख अतिथी म्हणून वंचित बहुजन आघाडीचे जिल्हाध्यक्ष प्रमोद देडवे, मिलिंद भाऊ इंगळे (जिल्हा महासचिव), भारतीय बौद्ध महासभेचे जिल्हाध्यक्ष वानखडे सर, जिल्हा महासचिव डोंगरे सर आणि तालुकाध्यक्ष अशोकभाऊ दारोकार यांची उपस्थिती होती.
या स्पर्धेस औरंगाबाद, अकोला, अमरावती, बुलढाणा अशा विविध जिल्ह्यांतील स्पर्धकांनी सहभाग घेतला. स्पर्धेतील प्रथम पारितोषिक ₹११,०००/- आणि सन्मान चिन्ह अमरावतीच्या ॲड. वैष्णवी संतोष हागोणे हिला मिळाले. तर द्वितीय पारितोषिक ₹५,०००/- कमरान अली यांना मिळाले. या पारितोषिकांचे वितरण नेते बाळासाहेब आंबेडकर यांच्या हस्ते अकोला येथे करण्यात आले.या यशस्वी स्पर्धेचे आयोजन कृषी उत्पन्न बाजार समितीचे सभापती सुनील भाऊ इंगळे यांनी केले होते.
