पुणे : पुण्यातील मावळ तालुक्यातील तळेगाव दाभाडे प्रसिद्ध पर्यटनस्थळ कुंडमळा येशील इंद्रायणी नदीवरील लोखंडी साकव जूना पूल अचानक कोसळल्याने मोठी दुर्घटना घडली आहे. रविवार असल्याने पुलावर पर्यटकांची मोठी गर्दी होती.( Indrayani Kundmala bridge collapse)
या दुर्घटनेत सहा जणांचा मृत्यू झाला आहे. रविवारी दुपारी साडेतीनच्या सुमारास ही घटना घडली. पुलावरून काही पर्यटक नदीत तर आणि काही वाहून देखील गेले. वाहून गेलेल्या पर्यटकांचा शोध कार्य चालू होते. या दरम्यान ५२ जणांना वाचवण्यात यश आहे आले. यादरम्यान ५१ जण जखमी झाले असून, सहा जणांची प्रकृती गंभीर आहे.
रविवारी रात्री उशिरापर्यंत शोध कार्य चालू होते. एनडीआरएफचे पथक आल्यानंतर बचावकार्यास गती आली. यावेळी अपघातातील जखमी आणि मृतदेह नेण्यासाठी रुग्णवाहिका घटनास्थळी दाखल झाल्या. घटनेस्थळी अग्निशामक दलाची पथके, वन्यजीव रक्षक मावळ संस्था व विविध बचाव पथकांनी धाव घेऊन बचावकार्य सुरू केले. घटनास्थळाजवळ गर्दी झाली होती. सर्वत्र भीतीचे वातावरण होते. दोन दिवसांपासून मावळ परिसरात मुसळधार पाऊस कोसळत असून इंद्रायणीच्या पाणीपातळीत वाढ झाली आहे. यामुळे नदीत पडलेल्या पर्यटकांना वाचविण्याचे शर्तीचे प्रयत्न यंत्रणांकडून सुरू आहे. ( Indrayani Kundmala bridge collapse)
