सिद्धार्थ मोकळे यांनी ट्वीट करुन दिली माहिती
मुंबई : मीडियाच्या माध्यमातून वंचित बहुजन आघाडीला आज संध्याकाळी 7 पर्यंतचा महाविकास आघाडीने अल्टिमेटम दिल्याच्या बातम्या प्रसारित झाल्या होत्या, यावर वंचित बहुजन आघाडीचे राज्य उपाध्यक्ष तथा मुख्य प्रवक्ते सिद्धार्थ मोकळे यांनी एक्स हॅंडलवर व्हिडिओच्या माध्यमातून या बातम्या खोट्या असल्याचे सांगितले.
त्यांनी म्हटले की, महाविकास आघाडीने कुठलंही अल्टिमेटम वंचित बहुजन आघाडीला दिलेलं नाही. तसेच, कोणताही संवाद आमच्याशी महाविकास आघाडीतील कोणत्याही घटक पक्षांनी केला नाही. या सर्व बातम्या खोट्या आणि निराधार आहेत. माझे सर्व माध्यमांना आवाहन आहे. हे जे कोणी सूत्र आहे, जो या खोट्या बातम्या पसरवत आहे. त्याला कॅमेरा पुढे बोलायला सांगावे किंवा ऑन रेकाॅर्ड बोलायला सांगावे. त्यानंतरच या पद्धतीच्या बातम्या चालवाव्यात. या बातमीमध्ये कोणतेही तथ्य नसल्याचे मोकळे यांनी स्पष्ट केले आहे.
