अकोला : अकोला येथे पार पडलेल्या पत्रकार परिषदेत वंचित बहुजन आघाडीचे राष्ट्रीय अध्यक्ष ॲड प्रकाश आंबेडकरांनी म्हटले की,२ फेब्रुवारीच्या बैठकीत आम्ही दिलेला जो अजेंडा आहे तो आणि त्याच्याबरोबर जे तीन घटक पक्ष आहेत काँग्रेस, शिवसेना (UBT), राष्ट्रवादी काँग्रेस यांचा जागा वाटपाचा फॉर्म्युला २ तारखेपर्यंत तयार होईल असे आम्ही मानतो. त्याचा मसुदा आम्हाला दिला, तर संयुक्तरित्या चर्चा करायची की, एक-एक पक्षासोबत चर्चा करायची हा निर्णय त्या बैठकीत होईल.
दोन फेब्रुवारी रोजी महाविकास आघाडी सोबत वंचित बहुजन आघाडीची बैठक होणार आहे. मंगळवारी दि. ३० जानेवारी रोजी एक बैठक पार पडली. या बैठकीनंतर महाविकास आघाडी ने प्रकाश आंबेडकरांना पत्र पाठवले ज्यात त्यांनी वंचित बहुजन आघाडीचा समावेश महाविकास आघाडी मध्ये झाला असल्याचे त्यांनी सांगितले आहे.
