मुंबई : मुंबई येथे झालेल्या महाविकास आघाडी आणि वंचित बहुजन आघाडीच्या बैठकीसंदर्भात वंचित बहुजन आघाडीचे राष्ट्रीय अध्यक्ष ॲड प्रकाश आंबेडकरांनी ट्विट करत म्हटले आहे की, महाविकास आघाडीच्या बैठकीत वंचित बहुजन आघाडीच्या राज्य उपाध्यक्षांना योग्य सन्मान दिला गेला नाही आणि वंचित बहुजन आघाडीत समाविष्ट करण्याबाबत पत्रांवर सही करण्याचे अधिकार नाना पटोले यांना आहेत की नाही याबद्दल AICC किंवा रमेश चेन्नीथाला यांनी माहिती दिली नसतानाही, वंचित बहुजन आघाडीची प्राथमिकता भाजप – आरएसएसचा पराभव करणे असल्याने आम्ही पुढच्या बैठकीत महाविकास आघाडी सोबत सामील होणार आहोत.
मुंबई येथील ट्रायडेंड हॉटेलमध्ये महाविकास आघाडी सोबतच्या बैठकीसाठी वंचित बहुजन आघाडीकडून महाराष्ट्र प्रदेश उपाध्यक्ष डॉ. धैर्यवर्धन पुंडकर गेले होते. तब्बल एक तास त्यांना बैठकीच्या बाहेर बसवण्यात आले. या पार्श्वभूमीवर त्यांनी हे ट्विट केले.
