मुंबई : छ. शिवाजी पार्क येथे वंचित बहुजन आघाडी आयोजित संविधान सन्मान सभेसाठी विविध जाती धर्माच्या प्रतिनिधींना वंचित बहुजन आघाडीच्या वतीने निमंत्रण देण्यात आले आहे. या सभेसाठी वंचित बहुजन आघाडीचे युवा नेते सुजात आंबेडकर यांनी मुंबई येथे मुस्लीम धर्मगुरूंना भेटून आणि त्यांच्याशी संवाद साधून त्यांना सभेसाठी निमंत्रण दिले.
मौलाना तौसीफ रझा खान बरेलवी (राष्ट्रीय प्रमुख, अहल सुन्नत वाल जमात {बरेलवी}), हजरत मोईन अश्रफ मियाँ (प्रसिद्ध इस्लामिक विद्वान आणि परोपकारी), मोहम्मद सईद नूरी (इस्लामिक विद्वान आणि रझा अकादमीचे संस्थापक-अध्यक्ष) यांची सुजात आंबेडकरांनी भेट घेतली आणि त्यांना सभेचे निमंत्रण देण्यात आले.
वंचित बहुजन आघाडी (VBA) चे मुंबई शहर अध्यक्ष अबुल हसन खान यांच्या अध्यक्षतेखाली बैठक झाली.
