मुंबई : भाजप आणि आरएसएसला निशाना करत ॲड. प्रकाश आंबेडकर यांनी ट्विट करत म्हटले आहे की, आरएसएस आणि भाजपकडून देशात आणि महाराष्ट्रात जातीय दंगली घडवण्याचा प्रयत्न सुरु आहे. अशा जातीयं भडक्यांमुळे भाजप -आरएसएस त्यांची राजकीय पोळी भाजत राहतात आणि अशा कृत्यांची किंमत देशातील दलित, आदिवासी आणि मुस्लिमांना मोजावी लागत आहे.
देशातील सध्याची परिस्थिती अशी आहे की आरएसएस भाजपच्या विरोधात असलेल्या शक्तींनी संघटित होऊन द्वेष जातीयवाद आणि मृत्यूच्या विचारसरणीला पूर्णविराम द्यावा आणि संविधानाची नीतिमूल्य वाचवावीत. असे आवाहन ही त्यांनी आरएसएस भाजपच्या विरोधात असलेल्या संघटनांना, पक्षांना केले आहे.
