अहमदनगर – वंचित बहुजन आघाडीची अहमदनगर शासकीय विश्रामगृह येथे जिल्हा व तालुका कार्यकारणीची जिल्हा परिषद व पंचायत समिती निवडणूक प्रक्रिया संदर्भात बैठक जिल्हाध्यक्ष प्रतिक बारसे यांचे मागदर्शनाखाली पार पडली. यावेळी जिल्हा महासचिव योगेश साठे, जिल्हा उपाध्यक्ष संतोष गलांडे, चंद्रकांत नेटके, पारधे सर, सुरेश खंडागळे, चंद्रकांत डोलारे, युवा जिल्हाध्यक्ष संतोष जठार, शहर अध्यक्ष संजय जगताप, संतोष जौंजाळ, सोमनाथ भैलुमे, अतिश पारवे, प्यारेलाल शेख, मारुती पाटोळे, रविकिरण जाधव, विनोद गायकवाड, भाऊ साळवे, अमर निरभवणे, अजिमराजे शेख, देवा खरात, संजय शेलार आदीसह अन्य कार्यकर्ते मोठ्या संख्येने उपस्थित होते.
जिल्ह्यातील जिल्हा परिषद, पंचायत समिती निवडणूका या समविचारी पक्षसंघटना यांना सोबत घेऊन लढणार आहे, छत्रपती शिवाजी महाराज, फुले, शाहू, आंबेडकर विचारांना मानणारा एक मोठा वर्ग वंचित बहुजन आघाडी सोबत आहे. सत्ताधारी पक्षातील नाराज गट मोठ्याप्रमाणात आहे ते सर्व वंचित बहुजन आघाडीच्या संपर्कात आहे. गट, गण वार माहिती घेऊन व नवीन गट रचना बाबत सखोल चर्चा तालुकाध्यक्ष यांचे सोबत करण्यात आली. यावेळी गट, गण प्रमुख नेमणूक करण्यात आली. बूथ बांधणी करण्याची जबाबदारी ही गट, गण प्रमुखांची असेल त्यासाठी त्यांना मार्गदर्शन योगेश साठे यांनी केले.
बाळासाहेब आंबेडकर यांचा अकोला पॅटर्न जिल्ह्यात राबवायचा आहे. जिल्ह्यात पक्षाला आलेली मरगळ व पक्षाची प्रतिमा उंचवायची असेल तर प्रत्येक कार्यकर्त्याने स्वयंप्रेरणेने उत्स्फूर्तपणे या निवडणूक प्रक्रियेत सहभागी होऊन मतदानाचा टक्का आपल्याला लोकसभा, विधानसभापेक्षा कशा पद्धतीने वाढवता येईल याचा विचार करावा. भविष्यात ओबीसी, भटक्या विमुक्त जमाती ना फक्त मतदानाचा हक्क असेल परंतु निवडणुका लढविता येणार नाही असे एकंदरीत इथल्या सत्ताधारी पक्षांची भूमिका उघड उघड दिसून येत आहे त्यासाठी बाळासाहेब आंबेडकर यांचे नेतृत्वाखाली राज्यभर आंदोलने करण्यात आली आहेत.
