मुंबई: वंचित बहुजन आघाडीची राष्ट्रीय कार्यकारिणी, नवनिर्वाचित राज्य कार्यकारिणी, माजी राज्य कार्यकारिणी यांची संयुक्त बैठक वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या प्रमुख उपस्थिती मध्ये येऊर हिल्स, ठाणे येथे पार पडली.
या बैठकीत मागील राज्य कार्यकारिणीच्या कार्याची दखल घेत त्यांचा सन्मान करण्यात आला. तसेच पक्षाची आगामी भूमिका, संघटनात्मक बांधणी, ध्येय धोरणे यावर सविस्तर चर्चा झाली.
या बैठकीला पक्षाचे राष्ट्रीय अध्यक्ष ॲड. प्रकाश आंबेडकर, माजी प्रदेशाध्यक्ष रेखाताई ठाकूर, राज्याचे नवनियुक्त प्रदेशाध्यक्ष राजेंद्र पातोडे, राष्ट्रीय कार्यकारिणीचे प्रियदर्शी तेलंग, माजी आमदार नतिकुद्दीन खतीब, अशोक सोनोने, प्रा. किसन चव्हाण, अरुंधती शिरसाठ, राहुल गायकवाड, सविता मुंडे, डॉ. क्रांती सावंत, दिशा पिंकी शेख, प्रा. अंजलीताई आंबेडकर, राज्य कार्यकारिणी महासचिव प्रा. सोमनाथ साळुंखे, प्रा. नागोराव पांचाळ, डॉ. अरुण जाधव, दीपक डोके, सुजात आंबेडकर, जितरत्न पटाईत, सर्वजीत बनसोडे, उत्तम वनशिव, सारंग थोरात, डॉ. चित्रा कुऱ्हे, सिद्धार्थ मोकळे, प्रशांत इंगोले, कृष्णा देशमुख, ज्ञानेश्वर कवठेकर यांच्यासह अनिल जाधव, फारुख अहमद, गोविंद दळवी, कुशल मेश्राम, अमित भुईगळ प्रामुख्याने उपस्थित होते.
