लातूर : वंचित बहुजन आघाडीच्या राज्य कार्यकारिणी सदस्य सुजात आंबेडकर यांच्या मार्गदर्शनाखाली लातूर येथे कार्यकर्ता-पदाधिकारी संवाद बैठक उत्साहात संपन्न झाली. ही बैठक १० ऑगस्ट रोजी दुपारी ३ वाजता तुलसी हॉटेल, औसा रोड, लातूर येथे आयोजित करण्यात आली होती.
या बैठकीत पक्षाने सातत्याने उपस्थित केलेले विविध जनहिताचे मुद्दे तळागाळातील नागरिकांपर्यंत प्रभावीपणे पोहोचविण्यासंदर्भात सविस्तर चर्चा करण्यात आली. तसेच संघटनात्मक बांधणी, कार्यकर्ते व पदाधिकाऱ्यांमधील समन्वय आणि आगामी काळातील पक्षाच्या कामकाजाबाबत सुजात आंबेडकर यांनी पदाधिकारी व कार्यकर्त्यांशी संवाद साधत मार्गदर्शन केले.
यावेळी मराठवाडा महासचिव संतोष सूर्यवंशी, लातूर महानगरपालिकेचे गटनेते अमोल लांडगे, जिल्हा महासचिव ॲड. रोहित सोमवंशी, शहराध्यक्ष सचिन गायकवाड, महिला जिल्हाध्यक्ष मंजुषा निंबाळकर, महिला शहराध्यक्ष सुजाता अजनीकर, युवा जिल्हाध्यक्ष नितीन गायकवाड यांच्यासह सर्व तालुकाध्यक्ष, शाखाध्यक्ष आणि मोठ्या संख्येने कार्यकर्ते उपस्थित होते.
बैठकीदरम्यान संघटन अधिक मजबूत करण्यासोबतच जनतेच्या प्रश्नांसाठी प्रभावीपणे लढा देण्याचा निर्धार व्यक्त करण्यात आला. यावेळी मोठ्या संख्येने कार्यकर्त्यांची उपस्थिती होती. तसेच बैठकीला प्रचंड उस्ताह पाहायला मिळाले.
