मोदी – एपस्टीन प्रकरणावर स्पष्टीकरणाची मागणी; वंचित बहुजन आघाडीचे सोलापुरात निदर्शने

सोलापूर : वंचित बहुजन आघाडीच्या शहर व जिल्हा सोलापूर (Solapur) युनिटच्या वतीने देशाचे सार्वभौमत्व, राष्ट्रीय सुरक्षा आणि परराष्ट्र धोरणाशी संबंधित मुद्द्यांवर केंद्र सरकारने स्पष्टीकरण द्यावे, या मागणीसाठी सोमवार (दि. १६ मार्च २०२६) रोजी निदर्शने करण्यात आली.

अलीकडील आंतरराष्ट्रीय चर्चांमध्ये पंतप्रधान नरेंद्र मोदी (Narendra Modi) यांच्या परराष्ट्र संबंधांबाबत प्रश्न उपस्थित होत असल्याचा दावा करत, जागतिक स्तरावर चर्चेत असलेल्या जेफ्री एपस्टीन फाईल (Jeffrey Epstein) प्रकरणाशी संबंधित चर्चांवर केंद्र सरकारने स्पष्ट भूमिका मांडावी, अशी मागणी आंदोलनकर्त्यांनी केली. (Solapur Protest)

एपस्टीन फाईल’वरून मोदींवर निशाणा; देश गुलामीच्या उंबरठ्यावर – ॲड. प्रकाश आंबेडकर

यावेळी वंचित बहुजन आघाडीच्या पदाधिकाऱ्यांनी केंद्र सरकारला काही प्रश्न उपस्थित केले. त्यामध्ये पंतप्रधान आणि एपस्टीन यांच्यात कोणते संबंध किंवा व्यवहार होते का, इस्रायल दौऱ्यादरम्यान एपस्टीनकडून कोणताही सल्ला घेण्यात आला होता का, तसेच अमेरिकेसोबत झालेल्या आर्थिक करारांमध्ये पंतप्रधानांचा हस्तक्षेप होता का, याबाबत स्पष्टीकरण द्यावे, अशी मागणी करण्यात आली.

तसेच अमेरिकेच्या दबावामुळे भारताने रशियाकडून तेल खरेदी करू नये अशी भूमिका घेतली जात आहे का, भारताच्या परराष्ट्र धोरणावर अमेरिकेचा प्रभाव आहे का आणि देशाचे आर्थिक व ऊर्जा धोरण स्वतंत्र आहे का, याबाबत केंद्र सरकारने जनतेसमोर स्पष्ट भूमिका मांडावी, असे आंदोलनकर्त्यांचे म्हणणे आहे. (Solapur Protest)

हे प्रश्न कोणत्याही पक्षीय राजकारणाशी संबंधित नसून देशाच्या सार्वभौमत्व, राष्ट्रीय सुरक्षा आणि धोरणात्मक स्वायत्ततेशी निगडित असल्याचे वंचित बहुजन आघाडीच्या पदाधिकाऱ्यांनी सांगितले.

औरंगाबाद : प्राध्यापक भरती अर्जासाठी 20 मार्चपर्यंत मुदतवाढ; सम्यक विद्यार्थी आंदोलनाच्या मागणीला यश

या प्रश्नांवर समाधानकारक स्पष्टीकरण न दिल्यास पंतप्रधानांनी नैतिक जबाबदारी स्वीकारून पदाचा विचार करावा, अशी मागणीही यावेळी करण्यात आली. (Solapur Protest)

या आंदोलनात आतिश बनसोडे, जिल्हाध्यक्ष चंद्रशेखर मजिखांबे, महेश जाधव, संजय हरिजन, राहुल शिंदे, गौतम थापटे, विक्रांत गायकवाड, विनोद इंगळे, सुरेश गायकवाड आदी कार्यकर्ते मोठ्या संख्येने सहभागी झाले होते.