अकोला : वंचित बहुजन आघाडी नेहमीच वंचित, उपेक्षित आणि विविध समाजघटकांना राजकीय प्रतिनिधित्व देण्याचा प्रयत्न करत आली आहे. सामाजिक समतोल राखत राजकारणात व्यापक सहभाग वाढवण्याच्या धोरणातून पक्षाने अनेक वेळा सोशल इंजिनिअरिंगची प्रभावी उदाहरणे घडवली आहेत. ‘अकोला पॅटर्न’ म्हणून ओळखले जाणारे हे सोशल इंजिनिअरिंग राज्यभर चर्चेत राहिले आहे.
याच धोरणाचा भाग म्हणून वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या मार्गदर्शनाखाली अकोला महानगरपालिकेतील स्वीकृत सदस्यपदासाठी माहेश्वरी समाजाचे सुनील इन्नानी यांना संधी देण्यात आली. त्यानुसार सुनील इन्नानी यांची अकोला महानगरपालिकेत स्वीकृत सदस्य म्हणून नियुक्ती झाली आहे. त्यांची नियुक्ती झाल्यानंतर अकोल्यात वंचित बहुजन आघाडीच्या कार्यकर्त्यांच्या वतीने जल्लोष करण्यात आला.
