मिरा-भाईंदर : वंचित बहुजन आघाडीचे राष्ट्रीय अध्यक्ष प्रकाश आंबेडकर यांनी “मुद्रा मोदी से मुजरा मोदी” आंदोलनाच्या माध्यमातून पंतप्रधान नरेंद्र मोदी यांना जेफ्री एपस्टीन प्रकरणासह काही गंभीर प्रश्न उपस्थित केले होते. मात्र या प्रश्नांना उत्तर देण्याऐवजी भाजपचे माजी राज्यसभा खासदार अमर साबळे यांनी केलेल्या बेताल व आक्षेपार्ह वक्तव्याच्या निषेधार्थ मिरा-भाईंदरमध्ये तीव्र आंदोलन करण्यात आले.
भाईंदर (पूर्व) रेल्वे स्टेशन येथील बंदरवाडी परिसरात वंचित बहुजन आघाडी व आंबेडकरी समाजाच्या कार्यकर्त्यांनी मोठ्या संख्येने एकत्र येत अमर साबळे यांचे फोटो जाळून संताप व्यक्त केला. यावेळी “लोकशाहीत प्रश्न विचारणे गुन्हा नाही” असा जोरदार घोषणाबाजी करत आंदोलनकर्त्यांनी निषेध नोंदवला. (Mumbai protest)
लोकशाही व्यवस्थेत सत्ताधाऱ्यांना प्रश्न विचारणे हा नागरिकांचा घटनात्मक अधिकार आहे. मात्र विरोधी आवाज दडपण्याचा प्रयत्न होत असल्याचा आरोप आंदोलनकर्त्यांनी केला. या आंदोलनातून केंद्र सरकारने उपस्थित प्रश्नांची स्पष्ट उत्तरे द्यावीत, अशी मागणीही करण्यात आली. (Mumbai protest)
ह्या आंदोलनात महासचिव अनिल भगत, उपाध्यक्षा शकिला शेख, गुणाप्पा विधानसभा 146 च्या अध्यक्ष अस्मिता कदम व सुरेश शिंदे, 145 चे अध्यक्ष आसीफ सरगुरु, युवक नेता उमेश, राजेंद्र मोहीते, पंकज इंगोले, दिलीप भालेराव, सुरज इंगोले, वाघमारे, फयझल व सहकारी अमोल साळूंके आकाश, विजय, साजन सुर्यवंशी, डॉ. करिष्मा साखरे तसेच अनेक कार्यकर्ते उपस्थित होते.
