Iran Israel War : मध्यपूर्वेत तणाव वाढवणारी घटना घडली असून इस्त्रायलने इराणवर प्रतिबंधात्मक (preventative) क्षेपणास्त्र हल्ला केल्याची माहिती इस्त्रायलच्या संरक्षण मंत्र्यांनी दिली आहे. या हल्ल्यानंतर इराणची राजधानी तेहरानसह काही भागांमध्ये आकाशात धुराचे मोठे लोट उसळताना दिसले. हल्ल्यानंतर समोर आलेल्या दृश्यांमध्ये स्फोटांचे आवाज आणि धुराचे ढग स्पष्टपणे दिसत आहे.
इस्त्रायल आणि इराणमधील संघर्ष अधिक तीव्र झाला असून, इस्त्रायलने इराणवर ‘प्रतिबंधात्मक’ क्षेपणास्त्र हल्ला केला आहे. इस्त्रायलच्या संरक्षण मंत्र्यांनी या कारवाईला दुजोरा दिला असून, हल्ल्यानंतर तेहरानच्या आकाशात धुराचे प्रचंड लोट पाहायला मिळाले आहेत. (Iran Israel War)
भविष्यातील धोका ओळखून हा प्रतिबंधात्मक हल्ला केल्याचा इस्त्रायलचा दावा आहे. या मोहिमेत केवळ इस्त्रायलच नव्हे, तर अमेरिकेनेही प्रत्यक्ष सहभाग नोंदवत हवाई हल्ले केले आहेत, अशी माहिती ‘वॉल स्ट्रीट जर्नल’ने दिली आहे. या हल्ल्यामुळे मध्य-पूर्वेत युद्धाचा भडका उडण्याची शक्यता निर्माण झाली असून संपूर्ण जगाचे लक्ष याकडे लागले आहे. (Iran Israel War)
आता महायुद्धाला सुरूवात झाल्याचे स्पष्ट आहे. अनेक प्रमुख शहरांमध्ये हल्ला करण्यात आला. लोकांना सुरक्षित स्थळी हालवले जात आहे. इराणमध्ये मोठ्या संख्येने आणि प्रमुख ठिकाणांवर हल्ले होत आहेत. पूर्ण देश रिकामा केला जात आहे. शाळांना सुट्टी जाहीर करण्यात आली. अमेरिका सतत इराणवर हल्ला करण्याची धमकी देत असताना इराणने स्पष्ट केले होते की, आमच्यावर हल्ला केला तर आम्ही तुम्हाला जगाच्या नकाशाहून गायब करू.
