मुंबई : आंबेडकरी चळवळीत गेल्या साठ वर्षांहून अधिक काळ सातत्याने सक्रिय सहभाग घेणारे ज्येष्ठ विचारवंत ज. वि. पवार यांच्या महत्त्वपूर्ण ग्रंथाचे, ‘आंबेडकरी चळवळ: दशा दुर्दशा आणि दिशा’ चे प्रकाशन दिनांक ४ डिसेंबर २०२५ रोजी दादर येथील ऐतिहासिक आंबेडकर भवन येथे मोठ्या उत्साहात पार पडले.
सुप्रसिद्ध लेखिका आणि कार्यकर्त्या दीपा पवार यांनी प्रकाशन समारंभाचे अध्यक्षस्थान भूषवले, तर ज्येष्ठ साहित्यिक अर्जुन डांगळे यांच्या हस्ते या ग्रंथाचे प्रकाशन करण्यात आले.
या सोहळ्यास भारतीय बौद्ध महासभेचे कार्याध्यक्ष मा. भीमराव यशवंतराव आंबेडकर यांची प्रमुख उपस्थिती लाभली.
संविधानाच्या रक्षणासाठी छत्रपती शिवाजी महाराज, फुले-शाहू-आंबेडकरवादी संघर्ष करत राहतील: चैत्यभूमीवर VBA च्या स्वाक्षरी मोहिमेला मोठा प्रतिसाद
चळवळीची दिशा स्पष्ट करणारा ग्रंथ
‘आंबेडकरी चळवळ:दशा दुर्दशा आणि दिशा’ हा ग्रंथ सद्यस्थितीत चळवळीचे नेमके स्वरूप, आव्हाने आणि भविष्याची दिशा स्पष्ट करणारा असल्याने त्याचे महत्त्व सर्वच मान्यवरांनी अधोरेखित केले. सर्व वक्त्यांनी ज. वि. पवार यांनी अत्यंत समयसूचकता दाखवून हा ग्रंथ लिहिल्याबद्दल त्यांचे मनःपूर्वक अभिनंदन केले.
याच प्रकाशन सोहळ्यात प्राध्यापक आनंद देवडेकर यांनी संपादित केलेल्या ‘सद् धम्म धम्मदर्शिका’ या कॅलेंडरचे प्रकाशनही डॉ. भीमराव यशवंतराव आंबेडकर यांच्या शुभहस्ते करण्यात आले.
या दिमाखदार सोहळ्यास विविध क्षेत्रांतील अनेक मान्यवर उपस्थित होते, त्यांत प्राध्यापक आनंद देवडेकर, योगीराज बागुल, डॉक्टर श्रीधर पवार, प्रा. विजय मोहिते, प्रा. सुहास चव्हाण, सुबोध मोरे, सुमेध जाधव, प्रा. उत्तम भगत, माजी न्यायाधीश गुलाबराव अवसरमोल, निलेश मोहिते, पत्रकार दीपक पवार, अशोक चाफे इत्यादी प्रमुख व्यक्तींचा सहभाग होता.
