मुंबई – गेल्या 3 वर्षांपासून सुरु असलेले रशिया आणि युक्रेन यांच्यातील युद्ध थांंबण्याची चिन्हें दिसत नाहीत. गेल्या अनेक दिवसांपासून रशिया सतत युक्रेनवर ड्रोन व क्षेपणास्त्र हल्ले करत आहे. मंगळवारी पहाटे रशियाने पुन्हा एकदा युक्रेनच्या 2 शहरांवर ड्रोन आणि क्षेपणास्त्रांनी हल्ला केला आहे. यामध्ये रशिनयाने युक्रेनवर 315 ड्रोन तर 7 क्षेपणास्त्र डागली आहेत. यामध्ये युक्रेनचे मोठे नुकसान झाले आहे. यामध्ये युक्रेनच्या अनेक इमारती व नागरी वस्त्या लक्ष्य केल्या गेल्या असून या हल्ल्यामध्ये २ जणांचा मृत्यू देखील झाला आहे. तसेच १३ जण जखमी झाले आहेत.
रशियाने केलेल्या या हल्ल्याबाबत युक्रेनचे अध्यक्ष वोलोदिमिर झेलेन्स्की यांनी माहिती दिली आहे. रशियाने ड्रोन हलला केला यातील बहुतेक ड्रोन ‘शाहेद ड्रोन’ होते. या हल्ल्यानंतर आता झेलेन्स्की यांनी रशियावर ठोस कारवाई करण्याची मागणी आंतराष्ट्रीय समुदायाकडे केली आहे. गेल्या 3 वर्षांहून अधिक काळ सुरू असलेल्या या युद्धादरम्यान आतापर्यंत १२ हजारहून अधिक युक्रेनियन नागरिकांचा मृत्यू झाला आहे. रशियाच्या सततच्या या हल्ल्यामुळे युक्रेनदेखील रशियावर प्रतिहल्ला करण्याची शक्यता आहे. त्यामुळे हे रशिया-युक्रेन युद्ध आणखी पेटण्याची चिन्ह दिसत आहेत.
