मुंबई – आरसीबी संघाच्या विजयी मिरवणुकी दरम्यान झालेल्या चेंगराचेंगरी प्रकरणी आरसीबी संघाचे मार्केटींग हेड निखील सोसाळे यांच्यासह तिघांना अटक करण्यात आली आहे. बंगळुरू येथील चेंगराचेंगरीत ११ जणांचा मृत्यू तर 32 जण जखमी झाले होते. याप्रकरणी आरसीबीच्या व्यवस्थापन कंपनीच्या मार्केटिंग हेड निखिल सोसाळे यांच्यासह ३ जणांविरुद्ध एफआयआर दाखल करण्यात आला होता. आता आरसीबीच्या निखिल सोसाळे यांच्यासह 3 जणांना याप्रकरणी अटक करण्यात आली आहे.
बेंगलुरू चेंगराचेंगरी प्रकरणात यापूर्वी पोलिसांनी आरसीबी फ्रँचायझी, इव्हेंट मॅनेजमेंट कंपनी डीएनए एंटरटेनमेंट नेटवर्क्स आणि कर्नाटक राज्य क्रिकेट असोसिएशनविरुद्ध एफआयआर नोंदवला होता. ज्यावेळी पोलिसांनी निखिल सोसाळे याला अटक केली त्यावेळी तो विमान तळावरून पळुन जाण्याच्या तयारीत होता असे पोलिसांनी सांगितले आहे. पोलिसांच्या परवानगीशिवाय विधान सौधा ते चिन्नास्वामी यांच्यापर्यंत विजयी परेडची घोषणा निखिल सोसाळे यांनी केली होती. पोलिसांनी नकार दिल्यानंतरही निखिल सोसाळे यांनी विजयी परेडमध्ये बदल केला नव्हता. त्यामुळे बंगळुरु येथील या मार्गावर चाहत्यांची दिशाभूल झाली. त्यामुळे बंगळुरु चेंगराचेंगरी प्रकरण घडल्याचे पोलिसांचा दावा आहे.
