Anahat Singh : कॉमनवेल्थ गेम्स २०२६ च्या पार्श्वभूमीवर भारतीय क्रीडाविश्वासाठी अभिमानाची बातमी समोर आली आहे. अवघ्या १८ वर्षांच्या अनाहत सिंगने कॅनडामध्ये पार पडलेल्या ज्युनियर स्क्वॉश वर्ल्ड चॅम्पियनशिपमध्ये विजेतेपद पटकावत इतिहास रचला आहे. या स्पर्धेचे विजेतेपद मिळवणारी ती भारताची पहिली खेळाडू ठरली असून, तिच्या या यशामुळे भारतीय स्क्वॉशला जागतिक स्तरावर नवी ओळख मिळाली आहे.
अंतिम फेरीत अनाहतचा सामना इजिप्तच्या दुसऱ्या मानांकित रुकय्या सालेम हिच्याशी झाला. सुरुवातीपासूनच आक्रमक खेळ करत अनाहतने प्रतिस्पर्धीवर वर्चस्व गाजवले. तिने पहिला सेट ११-३, दुसरा सेट ११-७ आणि तिसरा सेट ११-९ अशा सरळ तीन सेटमध्ये जिंकत जागतिक विजेतेपदावर आपले नाव कोरले.
जंतर-मंतर ते महाराष्ट्र बंद…धर्मेंद्र प्रधान यांचा राजीनामा; जंतर-मंतरवरील युवकांच्या आंदोलनाला मोठे यश
२०२८ मध्ये लॉस एंजेलिस येथे होणाऱ्या ऑलिम्पिक स्पर्धेत प्रथमच स्क्वॉशचा समावेश करण्यात आला असून, अनाहत सिंगच्या ऐतिहासिक यशामुळे भारताच्या पदकाच्या अपेक्षांना नवी उभारी मिळाली आहे. सध्या वरिष्ठ पीएसए टूरच्या जागतिक क्रमवारीत ती अव्वल २० खेळाडूंमध्ये स्थान मिळवून असून, ही रँकिंग आणखी उंचावण्याची तिच्याकडे सुवर्णसंधी आहे.
