यवतमाळ : शहरातील रस्त्यालगत तसेच रस्त्याच्या हद्दीत भूमिगत ऑप्टिकल फायबर केबल टाकण्यासाठी देण्यात आलेल्या परवानगीतील अटी व शर्तींचा गंभीर भंग होत असल्याचा आरोप करत वंचित बहुजन आघाडीने आक्रमक भूमिका घेतली होती.
संबंधित कंपनीचे काम तात्काळ बंद करून परवानगी रद्द करावी, सार्वजनिक रस्त्यांचे झालेले नुकसान संबंधित कंपनीकडून पूर्ववत करून घ्यावे तसेच या प्रकरणातील संबंधित अधिकारी व कर्मचाऱ्यांच्या भूमिकेची चौकशी करावी, अशी मागणी वंचित बहुजन आघाडीचे यवतमाळ नगर परिषदेतील गटनेते डॉ. नीरज वाघमारे यांनी केली होती.
वंचित बहुजन आघाडीच्या या आक्रमक भूमिकेनंतर यवतमाळ नगर परिषदेने संबंधित कामाला स्थगिती देण्याचा निर्णय घेतला आहे. त्यामुळे या प्रकरणात नगर परिषदेने अखेर माघार घेतल्याची चर्चा शहरात सुरू आहे.
