ठाणे : ठाण्यातील लोकमान्यनगर परिसरात वंचित बहुजन आघाडीचे कार्यकर्ते अनिकेश गायकवाड यांच्या घरावर झालेल्या जीवघेण्या हल्ल्यामुळे परिसरात तणावाचे वातावरण निर्माण झाले आहे. राजकीय सुडातून हा हल्ला करण्यात आल्याचे वंचित बहुजन आघाडीने म्हटले आहे.
मिळालेल्या माहितीनुसार, काही अज्ञात हल्लेखोरांनी अनिकेश गायकवाड यांच्या घरात घुसून मारहाण केली. या हल्ल्यात गायकवाड यांच्या डोक्याला गंभीर दुखापत झाली असून घरातील महिलांनाही मारहाण करण्यात आल्याची माहिती समोर आली आहे. (Vba Worker Attacked In Thane)
Also Read : अकोल्यात वाढत्या महागाईविरोधात वंचित बहुजन आघाडीचा एल्गार; जिल्हाधिकारी कार्यालयावर भव्य बैलगाडी मोर्चा
घटनेनंतर परिसरात संतापाची लाट पसरली आहे. घटनेची माहिती मिळताच वंचित बहुजन आघाडीचे राष्ट्रीय अध्यक्ष बाळासाहेब आंबेडकर यांनी पीडित कुटुंबाशी संवाद साधला. यावेळी त्यांनी पीडितांना न्याय मिळवून देण्यासाठी पक्ष ठामपणे त्यांच्या पाठीशी उभा असल्याचा विश्वास दिला. (Vba Worker Attacked In Thane)
Also Read : Maharashtra Fuel Crisis : पेट्रोल-डिझेल टंचाईचे रुद्ररूप; डिझेलसाठी चक्क हाणामारी, शेतकऱ्यांच्या लांबच लांब रांगा
दरम्यान, या प्रकरणातील आरोपींना तात्काळ अटक करण्यात यावी, अन्यथा तीव्र आंदोलन छेडण्यात येईल, असा इशारा वंचित बहुजन आघाडीचे राज्य उपाध्यक्ष ॲड. सर्वजीत बनसोडे यांनी पोलिस प्रशासनाला दिला आहे. या घटनेमुळे ठाण्यातील राजकीय वातावरण तापले असून पोलिसांकडून पुढील तपास सुरू आहे. (Vba Worker Attacked In Thane)
