अमरावती : वंचित बहुजन आघाडीची अमरावती येथे लोकशाही गौरव महासभा आज पार पडत आहे. या सभेला वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर हे संबोधित करणार आहेत. सभा सुरू होण्यापूर्वीच मैदान हाऊसफुल्ल झाल्याचे चित्र समोर आले आहे. त्यामुळे ही विराट सभा आहे की, विजयी सभा अशी चर्चा सर्वत्र सुरू आहे.
अमरावती लोकसभा मतदार संघ हा राखीव मतदार संघ असल्याने या सभेला विशेष महत्व आहे. ॲड. प्रकाश आंबेडकरांच्या सभेला या पूर्वीही लाखोंच्या संख्येने नागरिक उपस्थित राहिल्याचे चित्र महाराष्ट्राने पाहिलेले आहे. त्यामुळे वंचित बहुजन आघाडीचे महाराष्ट्राच्या राजकारणातील महत्व पुन्हा एकदा अधोरेखित होताना दिसत आहे.
