परभणी : चुडावा (ता. पूर्णा) येथील डॉ. स्वाती गोविंद सोळंके यांच्या अक्षम्य वैद्यकीय निष्काळजीपणामुळे वंचित बहुजन आघाडीचे माजी उपाध्यक्ष राजरत्न गायकवाड रा. वसमत जि. हिंगोली यांच्या बाळाचा गर्भातच मृत्यू झाल्याची दुर्दैवी घटना घडली आहे. या घटनेने परिसरात संताप व्यक्त केला जात आहे. या घटनेनंतर दोषी डॉक्टरांवर कठोर कायदेशीर कारवाई करण्यात यावी, या मागणीसाठी वंचित बहुजन आघाडीच्या वतीने पूर्णा येथील तालुका आरोग्य अधिकारी डॉ. विद्यासागर पाटील यांची भेट घेऊन त्यांना तीव्र जाब विचारण्यात आला.
राजरत्न गायकवाड यांच्या पत्नीच्या उपचारादरम्यान डॉ. स्वाती सोळंके यांनी 2 मार्च 2026 रोजी रात्री दोन वाजेपर्यंत थांबवून घेऊन नॉर्मल डिलिव्हरी करते असे सांगत गर्भातच बाळाचे ठोके बंद झाल्यानंतर विष्णुपुरी नांदेड (Nanded) येथे रेफर केले. यामुळे निष्पाप बाळाचा गर्भातच मृत्यू झाला. धक्कादायक बाब म्हणजे सिझेरियन शस्त्रक्रिया करून विष्णुपुरी नांदेड या ठिकाणी बाळाला मृतावस्थेत बाहेर काढण्यात आले. या धक्कादायक घटनेनंतर परिसरात संतापाची लाट उसळली आहे. (Vanchit Bahujan Aghadi)
बदर समितीचा ‘अ ब क ड’ अहवाल सादरीकरणाचा फार्स अनुसूचित जातींची फसवणूक!
पीडित कुटुंबाने असा आरोप केला आहे. एका सामान्य कार्यकर्त्याच्या कुटुंबावर ओढवलेल्या या संकटामुळे आरोग्य विभागाच्या कार्यक्षमतेवर प्रश्नचिन्ह उभे राहिले आहे.
वंचित बहुजन आघाडीचे शिष्टमंडळ मैदानात या प्रकरणाची गांभीर्याने दखल घेत वंचित बहुजन आघाडीच्या प्रमुख पदाधिकाऱ्यांनी तालुका आरोग्य कार्यालयावर धडक दिली.
यावेळी उपस्थित असलेल्या नेत्यांनी संबंधित डॉक्टरांचे (Doctor) वैद्यकीय चौकशी करून निलंबन करून त्यांच्यावर फौजदारी गुन्हा दाखल करण्याची मागणी केली. (Vanchit Bahujan Aghadi)
यावेळी राजू इंगोले (माजी जिल्हा कार्याध्यक्ष, हिंगोली), राहुल करवंदे (माजी जिल्हा सहसचिव, वंचित बहुजन आघाडी), तुषार गायकवाड (युवा जिल्हाध्यक्ष, परभणी), प्रवीण बारहाते (माजी युवा जिल्हा उपाध्यक्ष, हिंगोली) राजरत्न गायकवाड यांच्यासह आदी पदाधिकारी उपस्थित होते.
प्रकाश आंबेडकरांचा मोदी-आरएसएसवर घणाघात; ट्विटमधील संवाद चर्चेत, नागपूरात २३ मार्चला आंदोलनाची हाक
“सामान्य जनतेच्या जीवाशी खेळणाऱ्या डॉक्टरांची गय केली जाणार नाही. राजरत्न गायकवाड यांच्या कुटुंबाला न्याय मिळेपर्यंत आणि दोषींवर कारवाई होईपर्यंत वंचित बहुजन आघाडी पाठपुरावा सुरूच ठेवेल.” असे वंचित बहुजन आघाडीचे शिष्टमंडळ म्हणाले. (Vanchit Bahujan Aghadi)
आरोग्य अधिकारी डॉ. विद्यासागर पाटील यांनी या प्रकरणाची चौकशी करून योग्य ती कारवाई करण्याचे आश्वासन दिले आहे. मात्र, कारवाईत टाळाटाळ झाल्यास तीव्र आंदोलनाचा इशाराही यावेळी देण्यात आला.
