मुंबई: ‘ट्रान्सजेंडर व्यक्ती (हक्कांचे संरक्षण) कायदा, २०१९’ मध्ये केंद्र सरकारने प्रस्तावित केलेल्या सुधारणांना वंचित बहुजन आघाडीने (VBA) कडाडून विरोध दर्शवला आहे. हे सुधारणा विधेयक फेटाळत असल्याचे स्पष्ट करत, वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी यावर लवकरच सविस्तर विश्लेषण प्रसिद्ध करणार असल्याचे जाहीर केले आहे. (Transgender Rights Amendment Bill 2026)
ॲड. प्रकाश आंबेडकर यांनी या संदर्भात अधिकृत सोशल मीडिया एक्सवर पोस्ट करत माहिती देताना सांगितले की, ट्रान्सजेंडर व्यक्ती (हक्कांचे संरक्षण) सुधारणा विधेयक, २०२६ मधील तरतुदींवर पक्षाच्या गंभीर हरकती आहेत. या हरकती नोंदवण्यासाठी वंचित बहुजन आघाडी सध्या एक अधिकृत निवेदन (Statement) तयार करत असून, लवकरच या विधेयकाचे सर्वांगीण विश्लेषण जनतेसमोर मांडले जाईल. (Transgender Rights Amendment Bill 2026)
या विधेयकामुळे ट्रान्सजेंडर समुदायाच्या हक्कांवर गदा येण्याची शक्यता असल्याचे संकेत पक्षाकडून देण्यात आले आहेत. या मुद्द्यावरून वंचित बहुजन आघाडी आक्रमक भूमिका घेण्याची शक्यता वर्तवली जात आहे. या सविस्तर विश्लेषणाकडे राजकीय वर्तुळासह सामाजिक कार्यकर्त्यांचेही लक्ष लागले आहे.
