मुंबई : राज्यातील 29 महापालिका निवडणुकीसाठी मतमोजणी शुक्रवारी सकाळी 10 वाजता सुरू झाली. सत्तधारी भाजप आणि शिवसेनेनं अनेक महापालिकांमध्ये आघाडी घेतली आहे.
काही ठिकाणी भाजप आणि शिवसेनेचे उमेदवारही विजयी झाले आहे. पण, दुसरीकडे प्रस्थापितांना धक्का देत वंचित बहुजन आघाडीने आपली ताकद दाखवून दिली आहे. अकोला, छत्रपती संभाजीनगर, लातूर महापालिकेमध्ये वंचित बहुजन आघाडीचं निळं वादळं आलं आहे.
ॲड. प्रकाश आंबेडकर यांचं होमग्राऊंड असलेल्या अकोला महापालिकेमध्ये वंचित आघाडीने विजयी सुरुवात केली आहे. अकोला महानगरपालिका प्रभाग क्रमांक 14 मधून वंचित बहुजन आघाडीचे पॅनल विजयी झाले आहे. जयश्रीताई महेंद्र बहादूरकर, पराग रामकृष्ण गवई आणि शेख समशू कमर शेख साबीर हे पॅनल विजयी झालं आहे. तर अकोला महानगरपालिका निवडणुकीत 1600 मतांनी नीलेश देव यांचा विजय झाला आहे.
अकोला पालिकेतील विजयी उमेदवार
1) उज्वलाताई प्रवीण पातोडे
2 जयश्रीताई महेंद्र बहादूरकर
3)पराग रामकृष्ण गवई
4) शेख समशू कमर शेख साबीर
५) नीलेश देव
छत्रपती संभाजीनगर महापालिका निवडणुकीमध्ये एकीकडे भाजपने आघाडी घेतली आहे. तर वंचित बहुजन आघाडीने स्वबळावर निवडणूक लढत ४ जागा जिंकल्या आहेत.
छत्रपती संभाजीनगर मनपा निवडणूक : प्रभाग ३ मध्ये ४ विजयी उमेदवारांची घोषणा
१) अमित सुधाकर भूईगळ, प्रभाग 3 अ
२) मो. जरीना मो. जावेद म जावेद, प्रभाग ब
३) करुणा मेघानंद जाधव, प्रभाग 3 क
४) अफसर खान यासीन खान, प्रभाग 3 ड
तर, काँग्रेस गट आणि देशमुख कुटुंबाचा बालेकिल्ला असलेल्या लातूर महानगर पालिकेच्या निवडणुकीत वंचित बहुजन आघाडीचे 5 पैकी 4 उमेदवार विजयी झाले आहे. लातूरमध्ये बहुजन मतांची संख्या ही जवळपास १२ टक्के आहे. पण, वंचितच्या छताखाली मतदार एक झाले आणि पाच पैकी ४ ही उमेदवारांना विजयी मतदान केलं आहे. लातूरमधला वंचित बहुजन आघाडीचा विजय हा सगळ्या मोठा मानला जात आहे.
