अक्कलकोट : अक्कलकोट तालुक्यातील मौजे बनजगोळ येथे वंचित बहुजन आघाडीच्या नवीन शाखेचे उद्घाटन उत्साहपूर्ण वातावरणात पार पडले. वंचित बहुजन आघाडी सोलापूर जिल्हाध्यक्ष चंद्रशेखर मडीखांबे यांच्या हस्ते शाखेचे उद्घाटन करण्यात आले.
आदरणीय बाळासाहेब आंबेडकर यांच्या विचारांनी प्रेरित होऊन संविधानवादी, मानवतावादी, फुले-शाहू-आंबेडकरवादी कार्यकर्त्यांनी तळागाळात विचार पोहोचवण्याच्या उद्देशाने या शाखेची स्थापना करण्यात आली. सर्व समाजाला बरोबरीने सोबत घेऊन आदर्श समाज निर्मितीसाठी वंचित बहुजन आघाडी कार्यरत असल्याचे यावेळी वक्त्यांनी सांगितले.
यावेळी डॉ. बाबासाहेब आंबेडकर यांच्या १३५ व्या जयंती मिरवणुकीच्या प्रतिमेचे पूजन करण्यात आले. या कार्यक्रमाला स्वामी समर्थ साखर कारखान्याचे संचालक प्रकाश खांडेकर, जिल्हा महासचिव अनिरुद्ध वाघमारे, शहराध्यक्ष प्रशांत गोणेवार, तालुकाध्यक्ष विशाल ठोंबरे, युवक तालुका अध्यक्ष संदीप बाळ, यशवंत शेठ इंगळे, तालुका प्रसिद्धी प्रमुख संदीप गजदाने, शहर प्रसिद्धी प्रमुख शाहिद शेख, तालुका उपाध्यक्ष माणिक गायकवाड, युवा नेते विक्रांत गायकवाड, पोलीस पाटील तसेच माजी सरपंच आदी मान्यवर उपस्थित होते.
कार्यक्रमाच्या यशस्वी आयोजनासाठी शाखाध्यक्ष भीम गायकवाड, सचिव स्वामीनाथ बनसोडे, उपाध्यक्ष गायकवाड, खजिनदार उमेश बनसोडे तसेच इतर पदाधिकाऱ्यांनी परिश्रम घेतले.
बनजगोळ येथील या शाखा उद्घाटनामुळे अक्कलकोट तालुक्यात वंचित बहुजन आघाडीची संघटनात्मक बांधणी अधिक मजबूत होण्यास बळ मिळणार असल्याची भावना उपस्थितांनी व्यक्त केली.
