Medical College Accident : नाशिक येथील मेडिकल कॉलेजमध्ये अत्यंत धक्कादायक घटना समोर आली आहे. येथे लिफ्ट कोसळल्यामुळे एका महिला कर्मचाऱ्याचा गंभीर अपघात झाल्याची माहिती समोर येत आहे. या घटनेनंतर परिसरात मोठी खळबळ उडाली असून एकच धावपळ उडाली आहे. या घटनेचा व्हिडिओ सध्या सोशल मीडियावर व्हायरल होत असून त्यामध्ये जखमी महिलेचा मुलगा आक्रोश करत असल्याचे हृदयद्रावक दृश्य दिसत आहे.
मिळालेल्या प्राथमिक माहितीनुसार संबंधित मेडिकल कॉलेजमध्ये लिफ्ट अचानक कोसळल्याने ही दुर्दैवी घटना घडली. लिफ्टमध्ये असलेल्या महिला कर्मचाऱ्याला गंभीर दुखापत झाली आहे. या दुर्घटनेच्या वेळी उपस्थित असलेल्या कर्मचाऱ्यांच्या आणि विद्यार्थ्यांच्या अंगावर काटा आणणारा हा प्रसंग होता. (Medical College Accident)
या भीषण अपघातानंतर संबंधित मेडिकल कॉलेजच्या प्रशासनाच्या निष्काळजीपणावर प्रश्नचिन्ह उपस्थित केले जात आहे. लिफ्टची नियमित देखभाल आणि दुरुस्ती केली जात होती का असा प्रश्न आता उपस्थित केला जात आहे. या संपूर्ण घटनेचा व्हिडिओ सध्या व्हायरल होत असून नाशिकमध्ये या प्रकरणाची मोठी चर्चा सुरू आहे. (Medical College Accident)
संबंधित प्रशासनाने या प्रकाराची गांभीर्याने दखल घेऊन दोषींवर कारवाई करावी आणि जखमी महिलेला त्वरित योग्य उपचार मिळावेत अशी मागणी व्यक्त केली जात आहे.
