नवी मुंबई : वंचित बहुजन आघाडी पनवेल महानगर अंतर्गत खांदा कॉलनी विभागात नव्या जोमाने संघटन विस्तार सुरू असून त्याच पार्श्वभूमीवर विभाग कार्यालयाच्या नवीन शाखेचे भव्य उद्घाटन सोहळा अत्यंत उत्साहात पार पडला. विभागाध्यक्ष महेंद्र रोकडे यांच्या मार्गदर्शनाखाली आणि स्थानिक कार्यकर्त्यांच्या उपस्थितीत हा कार्यक्रम पार पडला.
शाखा फलकाचे उद्घाटन वंचित बहुजन आघाडी पनवेल महानगर अध्यक्ष आनंद गायकवाड यांच्या हस्ते संपन्न झाले. उद्घाटनानंतर आयोजित कार्यक्रमात विभागातील संघटनात्मक कामाची माहिती देत आगामी काळात अधिक भक्कम संघटन उभारणीचा संकल्प व्यक्त करण्यात आला.
यावेळी मान्यवरांनी खांदा कॉलनी विभागाच्या कार्याची प्रशंसा करत संघटन विस्तारासाठी कार्यकर्त्यांनी जोमाने पुढे सरसावण्याचे आवाहन केले. या उपक्रमासाठी पनवेल महानगर उपाध्यक्षा कविताताई वाघमारे आणि पनवेल महानगर संघटक भागुराम भेकरे यांनी विशेष सहकार्य केले. स्थानिक पदाधिकारी आणि कार्यकर्त्यांच्या सक्रिय सहभागामुळे हा उद्घाटन सोहळा ऐतिहासिक व प्रेरणादायी ठरला.
या कार्यक्रमास पनवेल महानगर अध्यक्ष, आनंद गायकवाड, उपाध्यक्ष डॉ. छायाताई शिरसाट, भालचंद्र शिंदे, संतोष मुजमुले, अविनाश अडागळे उपस्थित होते.
