पुणे : डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने महाराष्ट्र लोकसेवा आयोगाच्या वनसेवा मुख्य परीक्षा-2024 मध्ये उत्तीर्ण झालेल्या अनुसूचित जाती प्रवर्गातील उमेदवारांना मुलाखत परीक्षेच्या तयारीसाठी आर्थिक सहाय्य देण्यात येणार आहे. या योजनेअंतर्गत पात्र उमेदवारांना प्रती विद्यार्थी १०,००० रुपयांचे एकरक्कमी सहाय्य मिळणार आहे.
बार्टीने दिलेल्या माहितीनुसार, वनसेवा मुख्य परीक्षेत पात्र ठरलेल्या SC उमेदवारांना मुलाखतीसाठी प्रोत्साहन व आवश्यक तयारी सुलभ करण्याच्या उद्देशाने ही योजना राबविण्यात येत आहे. संबंधित सविस्तर जाहिरात तसेच ऑनलाइन अर्जाचा फॉर्म बार्टी संस्थेच्या अधिकृत संकेतस्थळावर प्रसिद्ध करण्यात आला आहे.
या योजनेचा अधिकाधिक पात्र उमेदवारांनी लाभ घ्यावा, असे आवाहन बार्टीचे महासंचालक सुनिल वारे यांनी केले आहे.
अधिक माहितीसाठी बार्टीच्या संकेतस्थळावरील या विभागाला भेट द्यावी:
येथे क्लिक करा
