नालासोपारा : अर्नाळा पोलिसांच्या हद्दीतील कळंब समुद्रकिनाऱ्यावर आज एक अज्ञात आणि संशयास्पद कंटेनर वाहून आल्याने स्थानिकांमध्ये काही काळ भीतीचे वातावरण निर्माण झाले होते. प्राथमिक अंदाजानुसार, हा कंटेनर मालवाहू जहाजातून समुद्रात पडला असावा आणि लाटांच्या साहाय्याने किनाऱ्यावर वाहत आला.
सुरुवातीला या कंटेनरमध्ये वॉलपेपर असल्याचे दिसून आले आहे, मात्र त्याची सखोल तपासणी आणि पंचनामा पूर्ण झाल्यानंतरच त्यातील नेमक्या वस्तूंची माहिती समोर येईल, असे पोलिसांनी सांगितले. अर्नाळा पोलीस, तटरक्षक दल (कोस्टल गार्ड) आणि इतर संबंधित यंत्रणा घटनास्थळी दाखल झाल्या आहेत. सध्या समुद्राला भरती असल्याने कंटेनर अजूनही पाण्यामध्ये आहे.
त्यामुळे ओहोटीची प्रतीक्षा केली जात आहे, जेणेकरून कंटेनरची पूर्णपणे तपासणी करता येईल. हा कंटेनर कुठून आला, तो समुद्रात कसा पडला आणि त्यात काही संशयास्पद वस्तू आहेत का, याबाबत पोलीस कसून तपास करत आहेत. अज्ञात कंटेनर सापडल्याने नागरिकांमध्ये भीतीचे वातावरण असले तरी, पोलीस आणि यंत्रणा परिस्थितीवर लक्ष ठेवून आहेत.
देवेंद्र फडणवीस यांच्यावर शरद पवार आणि उद्धव ठाकरे यांच्याकडून कौतुकाचा वर्षाव
मुंबई : मुख्यमंत्री देवेंद्र फडणवीस यांच्या ५५ व्या वाढदिवसानिमित्त त्यांना राजकीय वर्तुळातून शुभेच्छांचा वर्षाव होत आहे. विशेष म्हणजे, राष्ट्रवादी काँग्रेसचे...
Read moreDetails
