नांदेड : वंचित बहुजन आघाडीचे नेते सुजात आंबेडकर यांनी आज नांदेड जिल्ह्यातील किरोडी आणि लोहा या पूरग्रस्त भागांना प्रत्यक्ष भेट देऊन तेथील परिस्थितीची पाहणी केली. संपूर्ण महाराष्ट्रातील पूरग्रस्त गावांना ते भेटी देत असून, याच अंतर्गत त्यांनी नांदेडमधील नुकसानग्रस्त शेतकरी आणि नागरिकांशी संवाद साधला.
पुरामुळे झालेल्या नुकसानीचा आढावा घेतल्यानंतर सुजात आंबेडकर यांनी पीडित शेतकरी आणि नागरिकांना वंचित बहुजन आघाडीकडून मदतीचे आश्वासन दिले. “वंचित बहुजन आघाडी शासन स्तरावरून शेतकऱ्यांना योग्य ती मदत मिळवून देण्यासाठी प्रयत्न करेल,” असे ते या वेळी म्हणाले.
या पाहणी दौऱ्यात सुजात आंबेडकर यांच्यासोबत वंचित बहुजन आघाडीचे राज्य सदस्य अविनाश भोसीकर, नांदेड दक्षिणचे जिल्हाध्यक्ष शिवा नारंगले, नांदेडचे जिल्हाध्यक्ष प्रशांत इंगोले तसेच इतर पदाधिकारी आणि कार्यकर्ते उपस्थित होते.
सोशल मीडियाच्या पलीकडचा संघर्ष: देशातील तरुण रस्त्यावर उतरतो तेव्हा…
- संजीव चांदोरकर देशातील सर्व विद्यार्थी तरुणांचे अभिनंदन आणि आभार ! ….. देशातील शिक्षण क्षेत्राचा ज्वलंत विषय, गेली अनेक वर्ष...
Read moreDetails
