नांदेड : वंचित बहुजन आघाडीचे युवा नेते सुजात आंबेडकर हे नांदेड जिल्ह्यात दौऱ्यासाठी असता नॅशनल आणि राज्यस्तरीय बॉक्सिंग खेळाडूंनी त्यांची भेट घेतली.
यावेळी सुजात आंबेडकर यांनी बॉक्सिंग क्षेत्रात खेळाडू घेत असलेल्या मेहनतीचे आणि त्यांनी मिळवलेल्या यशाचे कौतुक केले. तसेच आगामी स्पर्धांसाठी खेळाडूंना शुभेच्छा देत त्यांच्या पुढील वाटचालीसाठी प्रोत्साहन दिले.
या भेटीप्रसंगी बॉक्सिंग असोसिएशनचे नांदेड जिल्हाध्यक्ष अक्षय बनसोडे उपस्थित होते. यावेळी खेळाडू आणि उपस्थित मान्यवरांमध्ये विविध विषयांवर संवादही झाला.
