मुंबई : शालेय विद्यार्थ्यांच्या आरोग्याशी तडजोड होऊ नये, यासाठी अन्न व औषध प्रशासन (FDA) विभागाने कठोर पावले उचलण्याचा निर्णय घेतला आहे. विभागाच्या निदर्शनास आले आहे की, अनेक शाळांच्या ५०० मीटर परिसरात विद्यार्थ्यांना लक्ष्य करून आरोग्यास हानिकारक अन्नपदार्थ तसेच कॅफीनयुक्त पेये आणि इतर पदार्थांची छुप्या पद्धतीने विक्री केली जात आहे.
या पार्श्वभूमीवर अशा प्रकारची बेकायदेशीर विक्री करणाऱ्या दुकानदारांविरोधात अन्न सुरक्षा व मानके कायद्यानुसार कठोर कारवाई करण्यात येणार आहे. तसेच नियमांचे उल्लंघन करणाऱ्यांवर गुन्हे दाखल करण्याचे निर्देशही अन्न व औषध प्रशासनाने संबंधित अधिकाऱ्यांना दिले आहेत.
