गोंदिया : वंचित बहुजन आघाडीचे राष्ट्रीय नेते ॲड. बाळासाहेब आंबेडकर यांच्या आदेशानुसार गुरुवार, दि. 23 जुलै 2026 रोजी गोंदिया जिल्ह्यात महाराष्ट्र बंदचे आयोजन करण्यात आले. या बंदला उत्स्फूर्त प्रतिसाद मिळाला असून केंद्र सरकारच्या कथित विद्यार्थीविरोधी धोरणांविरोधात जोरदार निदर्शने करण्यात आली.
यावेळी आंदोलनकर्त्यांनी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी केली. तसेच भारताच्या राष्ट्रपतींना उद्देशून उपविभागीय अधिकाऱ्यांमार्फत निवेदन सादर करण्यात आले. या आंदोलनाला वंचित बहुजन आघाडीसह भारतीय कम्युनिस्ट पक्ष, आयटक, भारतीय बौद्ध महासभा तसेच विविध समविचारी संघटनांनी पाठिंबा दर्शवत सक्रिय सहभाग नोंदविला.
भारतीय कम्युनिस्ट पक्षातर्फे मिलिंद गणवीर, हौसलाल राहंगडाले, रामचंद्र पाटील, अरुणा गणवीर तसेच आयटकतर्फे विनोद शाहरे, महेंद्र कटरे, देवेंद्र मेश्राम आणि सुरेश रंगारी उपस्थित होते.
भारतीय बौद्ध महासभेतर्फे जिल्हाध्यक्ष देवाराम मेश्राम, मिलन गजभिये, अनिल मेश्राम, सुरेंद्रकुमार खोबरागडे, बी. जी. वासनिक, भीमराव भावे, भीमराव बन्सोड, राजेश मेश्राम, दिनेश गेडाम, अमित भालेराव, मुकेश माने आणि महेंद्र टेंभेकर यांनी सहभाग घेतला.
वंचित बहुजन आघाडीतर्फे प्रा. सतीश बन्सोड, राजू राहुलकर, नरेंद्र बोरकर, प्रकाश वासनिक, प्रफुल लांजेवार, प्रकाश डोंगरे, मंगलदास वंजारी, राजेंद्र बन्सोड, देवदास डाहट, रूपदास मेश्राम, अंकुश रामटेके, हेमंत बडोले, वामन मेश्राम, वासुदेव कठाणे, सेवकदास मेश्राम, मनोहर बडगे, शुभम मेश्राम, सिद्धार्थ हुमणे, हुमेंद्र कठरे, तुलाराम वैद्य, चिकू राहुलकर, आनंद राहुलकर, अनिल डोंगरे यांच्यासह अनेक पदाधिकारी, कार्यकर्ते आणि नागरिक मोठ्या संख्येने उपस्थित होते. आंदोलन शांततेत पार पडले असून विद्यार्थ्यांच्या प्रश्नांवर केंद्र सरकारने तातडीने सकारात्मक निर्णय घ्यावा, अशी मागणी आंदोलनकर्त्यांनी यावेळी केली.
