वंचित बहुजन आघाडीची मागणी !
पुणे: ज्येष्ठ पत्रकार निखिल वागळे यांच्या गाडीवर भाजप आणि आरएसएसच्या कार्यकर्त्यांनी पुण्यामध्ये हल्ला केल्याची घटना समोर आली आहे. या पार्श्वभूमीवर वंचित बहुजन आघाडीने ट्विटरच्या माध्यमातून संतप्त प्रतिक्रिया देत पुणे पोलीस आयुक्तांच्या राजीनाम्याची मागणी केली आहे.
भाजपा-आरएसएसच्या गुंडांनी उघडपणे धमकी देऊनही पुणे पोलीस निखिल वागळे आणि त्यांच्या सहकाऱ्यांना सुरक्षा पुरवू शकले नाहीत. वंचित बहुजन आघाडीची मागणी आहे की, पुणे पोलीस आयुक्तांनी ताबडतोब राजीनामा द्यावा असे वंचित बहुजन आघाडीने म्हटले आहे.
कुठल्याही पत्रकार किंवा माध्यम क्षेत्रातील व्यक्तीला अशा प्रकारचा शारीरिक हिंसेचा सामना करावा लागू नये. असे आम्ही मानत असल्याचे त्यांनी नमूद केले आहे.
