Lpg gas cylinder : दर्यापूर तालुक्यातील शितल गॅस एजन्सीमध्ये गॅस सिलेंडर वितरणासंदर्भात नागरिकांचा ताण निर्माण झाला आहे. वंचित बहुजन आघाडीचे जिल्हाध्यक्ष संजय चौरपगार यांनी गॅस एजन्सीला भेट देऊन चौकशी केली असता, एजन्सीवर ग्राहकांची मोठ्या प्रमाणात गर्दी असल्याचे आढळले.
गेल्या काही दिवसांपासून ऑनलाईन नोंदणी करून गॅस सिलेंडर मिळवण्याचा प्रयत्न करणाऱ्या चौरपगार यांनी स्वतः सुद्धा पंधरा दिवसांपूर्वी नोंदणी केली होती, मात्र अद्याप त्यांचा नंबर लागलेला नाही. एजन्सीमध्ये संपर्क साधल्यावर कर्मचारी फक्त एका खिडकीद्वारेच संवाद साधत असल्याने नागरिक त्रस्त झाले आहेत. (Lpg gas cylinder)
याबाबत अमरावती जिल्हाधिकारी यांनी आधीच स्पष्ट केले आहे की, गॅसचा कुठेही तुटवडा नाही आणि ग्राहकांनी ऑनलाईन नोंदणी करून सिलेंडर मिळवावे. मात्र दर्यापूरमधील परिस्थिती पाहता, चौरपगार यांनी तातडीने शितल गॅस एजन्सीवर योग्य कारवाई करण्याची मागणी केली आहे. (Lpg gas cylinder)
एजन्सीच्या बाजूने गॅस वितरणासाठी उपलब्ध असलेल्या अँपचा एक फुटेज तयार करून प्रसार माध्यमाद्वारे नागरिकांपर्यंत पोहोचवला जावा, जेणेकरून लोक सहजपणे गॅस सिलेंडर नोंदणी करू शकतील अशी मागणी वंचित बहुजन आघाडीचे जिल्हाध्यक्ष संजय चौरपगार यांनी मागणी केली आहे.
