जळगाव : पाचोरा तालुक्यात वंचित बहुजन आघाडीच्या संघटनात्मक कार्याला अधिक बळकटी देण्यासाठी तालुका जनसंपर्क कार्यालयाची सुरुवात करण्यात आली. १ सप्टेंबर रोजी गाळा क्र. १०३, स्व. बापूसाहेब के. एम. पाटील व्यापारी संकुल, भाजी मंडी, पाचोरा येथे वंचित बहुजन आघाडी पाचोरा तालुक्याच्या जनसंपर्क कार्यालयाचे उद्घाटन करण्यात आले.
वंचित बहुजन आघाडीचे जळगाव पश्चिम जिल्हाध्यक्ष ईश्वर पाटील लालसर यांच्या हस्ते आणि प्रमुख पदाधिकाऱ्यांच्या उपस्थितीत कार्यालयाचे उद्घाटन करण्यात आले. या कार्यालयाच्या माध्यमातून तालुक्यातील नागरिक, कार्यकर्ते आणि पदाधिकाऱ्यांशी सातत्याने संपर्क ठेवून विविध सामाजिक व जनहिताच्या प्रश्नांवर काम करण्यास अधिक प्रभावीपणे मदत होणार आहे.
यावेळी वंचित बहुजन आघाडीचे जळगाव पश्चिम उपाध्यक्ष अनिल लोंढे, जळगाव उपाध्यक्ष हरिश्चंद्र सोनवणे, जळगाव पश्चिम महासचिव अमित तडवी, पश्चिम सचिव प्रीतीलाल पवार, वंचित बहुजन युवा आघाडीचे पश्चिम जळगाव जिल्हाध्यक्ष जितेंद्र केदार यांच्यासह पदाधिकारी उपस्थित होते.
तसेच पाचोरा तालुकाध्यक्ष संदीप भाऊ जाधव, तालुका उपाध्यक्ष मनोज भाऊ अहिरे, तालुका महासचिव अमोल भाऊ अहिरे, तालुका महासचिव असलम तडवी, तालुका उपाध्यक्ष राहुल भाऊ अहिरे, तालुका आयटी प्रमुख अनंत भाऊ मोरे, तालुका संघटक प्रमुख विशाल भाऊ सोनवणे यांच्यासह वंचित बहुजन आघाडीचे पदाधिकारी, कार्यकर्ते आणि समर्थक मोठ्या संख्येने उपस्थित होते.
पाचोरा तालुक्यात पक्षाची संघटनात्मक बांधणी मजबूत करण्याबरोबरच जनतेच्या विविध प्रश्नांना वाचा फोडण्यासाठी हे जनसंपर्क कार्यालय महत्त्वाची भूमिका बजावेल, असा विश्वास यावेळी पदाधिकाऱ्यांनी व्यक्त केला.
