खुलताबाद: वंचित बहुजन आघाडीच्या खुलताबाद तालुका आढावा बैठकीत राष्ट्रवादी काँग्रेस (शरदचंद्र पवार) गटाचे गदाणा जिल्हा परिषद गटाचे सर्कल अध्यक्ष ओम नवनाथ जिते यांनी जाहीरपणे वंचित बहुजन आघाडीत प्रवेश केला. जिल्हाध्यक्ष रुपचंद गाडेकर यांच्या हस्ते त्यांचे स्वागत करून पक्षात प्रवेश देण्यात आला.
ही बैठक खुलताबाद तालुका अध्यक्ष गणेश तांदळे यांच्या अध्यक्षतेखाली शासकीय विश्रामगृह येथे पार पडली. बैठकीस जिल्हाध्यक्ष रुपचंद गाडेकर, जिल्हा सचिव मुकतार भाई सय्यद, जिल्हा संघटक राजन किर्तने, जिल्हा सचिव उमेश सरदार यांची प्रमुख उपस्थिती होती.
यावेळी पक्ष संघटन बळकट करणे, आगामी राजकीय घडामोडी तसेच तालुक्यातील संघटनात्मक कामकाजाचा आढावा घेण्यात आला. बैठकीदरम्यान ओम नवनाथ जिते यांनी वंचित बहुजन आघाडीच्या विचारांवर विश्वास व्यक्त करत पक्षात प्रवेश केला.
यावेळी पश्चिम जिल्हाध्यक्ष रुपचंद गाडेकर, जिल्हा सचिव मुकतार भाई सय्यद, जिल्हा संघटक राजन किर्तने, जिल्हा सचिव उमेश सरदार, खुलताबाद तालुका अध्यक्ष गणेश तांदळे, तालुका महासचिव राजाराम घुसाळे, तालुका सल्लागार सुरेश गवळे, तालुका सदस्य कैलास गिरी, विलास सोनवणे यांच्यासह पक्षाचे पदाधिकारी व कार्यकर्ते मोठ्या संख्येने उपस्थित होते.
