weightlifting championship 2026 : भारतीय वेटलिफ्टिंगची सुपरस्टार आणि ऑलिम्पिक पदक विजेती मीराबाई चानू हिने नॅशनल वेटलिफ्टिंग चॅम्पियनशिप २०२६ मध्ये दमदार कामगिरी करत पुन्हा एकदा आपला दबदबा सिद्ध केला आहे. ४८ किलो वजनी गटात सहभागी होत मीराबाईने सुवर्णपदकावर आपले नाव कोरलेच, शिवाय एकाच स्पर्धेत तीन नवीन राष्ट्रीय विक्रम प्रस्थापित करून इतिहास घडवला आहे.
या स्पर्धेत मीराबाई चानूने स्नॅच प्रकारात ८९ किलो, क्लीन अँड जर्कमध्ये ११६ किलो आणि एकूण २०५ किलो वजन उचलत नवे विक्रम आपल्या नावावर केले. विशेष म्हणजे तिन्ही प्रकारांमध्ये विक्रम मोडत तिने आपली सर्वोच्चता पुन्हा एकदा अधोरेखित केली. (weightlifting-championship-2026)
या ऐतिहासिक विजयामुळे मीराबाई चानू ही जागतिक स्तरावरील सर्वोत्तम वेटलिफ्टर्सपैकी एक का मानली जाते, हे तिने पुन्हा सिद्ध केले आहे. तिच्या या शानदार कामगिरीनंतर देशभरातून क्रीडाप्रेमी, खेळाडू आणि मान्यवरांकडून तिच्यावर अभिनंदनाचा वर्षाव होत आहे.
