Meta Paid Subscription : मेटाने (Meta) एक मोठी घोषणा केली आहे, ज्याचा थेट परिणाम सोशल मीडिया आणि मेसेजिंग ॲप्स वापरणाऱ्या युजर्सवर होणार आहे. आता इन्स्टाग्राम, फेसबुक आणि व्हॉट्सॲप वापरण्यासाठी नवीन ‘पेड सबस्क्रिप्शन प्लॅन्स’ (Paid Subscription Plans) सादर करण्यात आले आहेत. कंपनीने हे प्लॅन्स भारतातील युजर्ससह जगभरातील युजर्ससाठी लागू केले आहेत.
मेटा आता आपल्या ॲप्सची ‘प्लस’ (Plus) व्हर्जन लॉन्च करत आहे. यामध्ये जे युजर्स पैसे भरतील, त्यांनाच काही विशेष टूल्स (Exclusive Tools) आणि कस्टमायझेशन फीचर्स दिले जातील. हे फीचर्स आता मोफत (Free) व्हर्जन वापरणाऱ्या युजर्सना मिळणार नाहीत.
Also Read : NEET पेपर फुटीप्रकरणी सम्यक विद्यार्थी आंदोलनाचे राज्यव्यापी धरणे आंदोलन
उत्पन्न वाढवण्यासाठी मेटाचा नवा प्लॅन
मेटाचा हा निर्णय स्वतःचे उत्पन्न (Revenue) वाढवण्यासाठी आहे. कंपनीच्या या प्लॅनवरून हे स्पष्ट होते की, आता त्यांना महसुलासाठी केवळ जाहिरातींवर अवलंबून राहायचे नाही. उत्पन्नाचा नवा मार्ग शोधण्यासाठी कंपनीने हे पाऊल उचलले आहे. कंपनीची अशी इच्छा आहे की, युजर्सनी प्रीमियम फीचर्स, उत्तम अनुभव आणि जास्त ऑडिअन्सपर्यंत पोहोचण्यासाठी दरमहा ठराविक शुल्क भरावे.
