उस्मानाबाद : क्रांतीसूर्य, सत्यशोधक महात्मा जोतिराव फुले यांची १९९वी जयंती परंडा शहरात वंचित बहुजन आघाडीच्या वतीने मोठ्या उत्साहात साजरी करण्यात आली. शहरातील छत्रपती शिवाजी महाराज चौक येथे हा कार्यक्रम आयोजित करण्यात आला होता.
Also Read : कल्याणात रिपब्लिकन सेनेला धक्का; कार्यकर्त्यांचा वंचित बहुजन आघाडीत प्रवेश
कार्यक्रमाच्या प्रारंभी महात्मा फुले यांच्या प्रतिमेसमोर धूप-दीप प्रज्वलित करून प्रमुख पाहुण्यांच्या हस्ते अभिवादन करण्यात आले. यावेळी उपस्थित मान्यवरांनी फुले यांच्या समता, शिक्षण आणि सामाजिक न्यायाच्या विचारांना अभिवादन करत त्यांच्या कार्याची आठवण जागवली. फुले यांच्या विचारांचा वारसा पुढे नेण्याचा संकल्प यावेळी व्यक्त करण्यात आला. (Mahatma Phule Jayanti)
संपूर्ण कार्यक्रमात समतेचा आणि सामाजिक परिवर्तनाचा संदेश देण्यात आला. वंचित बहुजन आघाडीच्या वतीने आयोजित या उपक्रमामुळे शहरात प्रेरणादायी वातावरण निर्माण झाले. विविध सामाजिक संघटनांचे कार्यकर्तेही मोठ्या संख्येने सहभागी झाले होते.
Also Read : Akola : शहीद सुशील तेलगोटे यांच्या कुटुंबीयांचे सुजात आंबेडकर यांच्याकडून सांत्वन
या कार्यक्रमासाठी वंचित बहुजन आघाडीचे धाराशिव जिल्हाध्यक्ष धनंजय सोनटक्के, जिल्हा उपाध्यक्ष मोहनदादा बनसोडे, शिवसेना (उबाठा) युवा नेते विश्वजित पाटील, परंडा नगरपरिषदेचे उपाध्यक्ष समरसिंह ठाकूर, फुले-आंबेडकर विद्वत सभेचे राज्य समन्वयक प्रा. डॉ. शहाजी चंदनशिवे, नगरपरिषदेचे गटनेते अनिल शिंदे, नगरसेवक रमेशसिंह परदेशी, राहुल बनसोडे, मजहर दहलुन, डॉ. अब्बास मुजावर, सत्तार पठाण, अकीब पठाण, अविनाश विधाते, सोमनाथ अलबते,
माजी नगराध्यक्ष नसीर शहाबर्फीवाले, शिवाजी मेहेर, युवा नेते श्रीहरी नाईकवाडी, समता परिषदेचे नंदकुमार शिंदे, उमाकांत गोरे, राहुल पवार, तानाजी सोनवणे, शांतीलाल चंदनशिवे, अजीनाथ राऊत, उत्तरेश्वर बापू ठवरे, प्रा. विलास गायकवाड, शहराध्यक्ष किरणदादा बनसोडे, तु. दा. गंगावणे, पत्रकार विजय मेहेर, गोरख देशमाने तसेच क्रांतीसूर्य महात्मा जोतिबा फुले व डॉ. बाबासाहेब आंबेडकर जयंती उत्सव समितीचे अध्यक्ष विलास जाधव, उपाध्यक्ष नवनाथ गावडे, शहाजी सोलंकर, गंप्पू साडेकर, तालुका उपाध्यक्ष मधुकर सुरवसे, घनशाम शिंदे आदी मान्यवर उपस्थित होते. (Mahatma Phule Jayanti)
