‎महाराष्ट्रात २० वरिष्ठ आयएएस अधिकाऱ्यांच्या बदल्या; अनेक अधिकाऱ्यांची पदोन्नती

‎
पुणे : राज्य सरकारने प्रशासकीय यंत्रणेत मोठे फेरबदल करत २० वरिष्ठ अधिकाऱ्यांच्या बदल्या केल्या आहेत. गेल्या सहा-सात महिन्यांपासून सुरू असलेल्या या बदली सत्राचा हा आणखी एक टप्पा आहे. या फेरबदलांमध्ये अनेक अधिकाऱ्यांची पदोन्नती झाली असून, पुण्याला दोन महत्त्वाच्या जबाबदाऱ्या मिळाल्या आहेत.
‎
‎यात एम.एम.सूर्यवंशी यांना वसई-विरार महानगरपालिका वसई येथे महानगरपालिका आयुक्त म्हणून, तर दीपा मुधोळ-मुंडे यांना पुण्यात समाज कल्याण आयुक्त म्हणून मोठी जबाबदारी देण्यात आली आहे.
‎
‎१) एम.एम.सूर्यवंशी (आयएएस:एससीएस: 2010) यांची व्यवस्थापकीय संचालक, महाराष्ट्र पर्यटन विकास महामंडळ, मुंबई येथून वसई-विरार महानगरपालिका वसई येथे महानगरपालिका आयुक्त पदावर बदली करण्यात आली.
‎
‎२) दीपा मुधोळ-मुंडे (आयएएस:आरआर: 2011) यांची अध्यक्ष आणि व्यवस्थापकीय संचालक, पुणे महानगर परिवहन महामंडळ लिमिटेड, पुणे येथून पुण्यात समाज कल्याण आयुक्त पदावर नियुक्ती करण्यात आली.
‎
‎३) नीलेश गटणे (आयएएस:एससीएस: 2012) यांची मुख्य कार्यकारी अधिकारी, झोपडपट्टी पुनर्वसन प्राधिकरण, पुणे येथून व्यवस्थापकीय संचालक, महाराष्ट्र पर्यटन विकास महामंडळ मुंबई येथे बदली करण्यात.
‎
‎४) ज्ञानेश्वर खिलारी (आयएएस:एससीएस:2013) यांची संचालक, ओबीसी, बहुजन कल्याण, पुणे येथून अतिरिक्त सेटलमेंट आयुक्त आणि अतिरिक्त संचालक, भूमी अभिलेख, पुणे या पदावर नेमणूक करण्यात आली.
‎
‎५) अनिलकुमार पवार (आयएएस:एससीएस:2014) यांची महानगरपालिका आयुक्त, वसई-विरार महानगरपालिका, वसई येथून मुख्य कार्यकारी अधिकारी, MMRSRA ठाणे येथे बदली करण्यात आली.
‎
‎६) सतीशकुमार खडके (आयएएस:एससीएस:2014) यांना संचालक (आपत्ती व्यवस्थापन), महसूल आणि वन विभाग, मंत्रालय मुंबई येथून मुख्य कार्यकारी अधिकारी, झोपडपट्टी पुनर्वसन प्राधिकरण, पुणे येथे नियुक्त करण्यात आले आहे.
‎
‎७) भालचंद्र चव्हाण (आयएएस: नॉन एससीएस: 2019) यांची आयुक्त, भू-सर्वेक्षण विकास संस्था, पुणे येथून संचालक (आपत्ती व्यवस्थापन), महसूल आणि वन विभाग, मंत्रालय, मुंबई येथे नेमणूक करण्यात आली आहे.
‎
‎८) सिद्धार्थ शुक्ला (आयएएस:आरआर:2023) यांच्या दिनांक 02.07.2025 च्या आदेशात बदल करुन सहाय्यक जिल्हाधिकारी, गोडपिंपरी उपविभाग, चंद्रपूर यांना प्रकल्प अधिकारी म्हणून ITDP, धारणी आणि सहाय्यक जिल्हाधिकारी, धारणी उपविभाग, अमरावती म्हणून नियुक्ती करण्यात आली आहे.
‎
‎९) विजयसिंह शंकरराव देशमुख (अतिरिक्त जिल्हाधिकारी IAS वर पदोन्नती) यांची अतिरिक्त आयुक्त-२, छत्रपती संभाजीनगर विभाग येथून अण्णासाहेब पाटील आर्थिक विकास महामंडळ, मुंबई येथे व्यवस्थापकीय संचालक पदावर नियुक्ती करण्यात आली आहे.
‎
‎१०) विजय सहदेवराव भाकरे (अतिरिक्त जिल्हाधिकारी IAS पदावर पदोन्नती) यांची अध्यक्ष, जिल्हा जात वैधता समिती, भंडारा येथून सदस्य सचिव, विदर्भ वैधानिक विकास मंडळ नागपूर म्हणून नियुक्त करण्यात आले आहे.
‎
‎११) त्रिगुण शामराव कुलकर्णी (अतिरिक्त जिल्हाधिकारी IAS वर पदोन्नती) यांची अतिरिक्त महासंचालक, MEDA, पुणे येथून यशदा, पुणे येथे उपमहासंचालक पदावर बदली करण्यात आली.
‎
‎१२) गजानन धोंडीराम पाटील (अतिरिक्त जिल्हाधिकारी IAS पदावर पदोन्नती) यांची मुख्य कार्यकारी अधिकारी, जिल्हा परिषद, पुणे येथून मुख्य कार्यकारी अधिकारी, जिल्हा परिषद, पुणे या पदावर नियुक्ती करण्यात आली आहे.
‎
‎१३) पंकज संतोष देवरे (अतिरिक्त जिल्हाधिकारी आयएएस) यांची अध्यक्ष, जिल्हा जात वैधता समिती, लातूर येथून पुणे महानगर परिवहन महामंडळ लिमिटेड, पुणे येथे अध्यक्ष आणि व्यवस्थापकीय संचालक पदावर बदली करण्यात आली.
‎
‎१४) महेश भास्करराव पाटील (अतिरिक्त जिल्हाधिकारी आयएएस म्हणून पदोन्नती) यांची अतिरिक्त विभागीय आयुक्त (महसूल) पुणे विभाग येथून आदिवासी संशोधन आणि प्रशिक्षण संस्था, पुणे इथं आयुक्त पदावर नेमणूक करण्यात आली.
‎
‎१५) मंजिरी मधुसूदन मानोलकर (अतिरिक्त जिल्हाधिकारी, IAS म्हणून पदोन्नती) यांची सहआयुक्त, (पुनर्वसन), नाशिक विभाग, नाशिक येथून व्यवस्थापकीय संचालक, महाराष्ट्र राज्य शेती महामंडळ, पुणे म्हणून नियुक्ती करण्यात आली आहे.
‎
‎१६) आशा अफझल खान पठाण (अतिरिक्त जिल्हाधिकारी IAS पदावर पदोन्नती) यांची सहसचिव, मुख्यमंत्री सचिवालय, नागपूर येथून सहसचिव, मुख्यमंत्री सचिवालय, नागपूर या पदावर बदली करण्यात आली आहे.
‎
‎१७) राजलक्ष्मी सफिक शाह (अतिरिक्त जिल्हाधिकारी IAS वर पदोन्नती) यांची अतिरिक्त विभागीय आयुक्त (जनरल), कोकण विभाग, मुंबई येथून व्यवस्थापकीय संचालक, MAVIM, मुंबई म्हणून नियुक्ती करण्यात आली आहे.

‎
‎१८) सोनाली नीलकंठच मुळे (अतिरिक्त जिल्हाधिकारी IAS पदावर पदोन्नती) यांची अध्यक्ष, जिल्हा जात वैधता समिती, अमरावती येथून संचालक, OBC, बहुजन कल्याण, पुणे या पदावर नियुक्ती करण्यात आली आहे.
‎
‎१९) गजेंद्र चिमंतराव बावणे (अतिरिक्त जिल्हाधिकारी IAS पदावर पदोन्नती) यांची अध्यक्ष, जिल्हा जात वैधता समिती, बुलढाणा येथून आयुक्त, भू सर्वेक्षण विकास संस्था, पुणे या पदावर बदली करण्यात आली आहे.
‎
‎२०) प्रतिभा समाधान इंगळे (अतिरिक्त जिल्हाधिकारी IAS पदावर पदोन्नती) यांची अध्यक्ष, जिल्हा जात वैधता समिती, सांगली येथून आयुक्त, अल्पसंख्याक विकास, छत्रपती संभाजी नगर या पदावर नियुक्ती करण्यात आली.
‎
‎
‎