मुंबई: राज्यातील २९ महानगरपालिकांच्या आगामी निवडणुकांसाठी बहुप्रतिक्षित आरक्षण सोडत जाहीर झाली आहे. राज्याच्या राजकारणात अत्यंत महत्त्वाच्या मानल्या जाणाऱ्या बृहन्मुंबई, पुणे, नागपूर आणि नाशिकसह अनेक मोठ्या महापालिकांचे महापौरपद किंवा प्रभाग आरक्षण ‘सर्वसाधारण’ प्रवर्गासाठी खुले राहिले आहे. यामुळे अनेक दिग्गज नेत्यांना निवडणुकीच्या रिंगणात उतरण्याचा मार्ग मोकळा झाला आहे.
राजधानी मुंबई (BMC), पुणे, नागपूर, आणि नवी मुंबई यांसारख्या महत्त्वाच्या महापालिकांमध्ये आरक्षण ‘सर्वसाधारण’ राहिल्याने चुरस वाढण्याची शक्यता आहे. दुसरीकडे, ठाणे महानगरपालिका ‘अनुसूचित जाती’ (SC) साठी राखीव झाली आहे, तर कल्याण-डोंबिवली महापालिकेवर ‘अनुसूचित जमाती’ (ST) पुरुष उमेदवाराचे आरक्षण पडले आहे.
ओबीसी आरक्षण आणि महिलांचे वर्चस्व
या सोडतीत इतर मागासवर्गीयांसाठी (OBC) विशेषतः महिला आरक्षण लक्षवेधी ठरले आहे. अहिल्यानगर, अकोला, चंद्रपूर आणि जळगाव या महापालिकांमध्ये ओबीसी महिलांसाठी आरक्षण जाहीर झाले आहे. तर उल्हासनगर, कोल्हापूर, इचलकरंजी आणि पनवेल या ठिकाणी ओबीसी प्रवर्ग (महिला किंवा पुरुष) असे आरक्षण असेल.
आरक्षण जाहीर होताच सर्वच राजकीय पक्षांनी आपापल्या मतदारसंघांत मोर्चेबांधणी सुरू केली आहे. अनुसूचित जाती आणि जमातीसाठी राखीव झालेल्या जागांवर नवीन चेहऱ्यांना संधी मिळण्याची शक्यता आहे.
मुंबईसह राज्यातील 29 महापालिकांसाठी आरक्षण सोडत जाहीर झाली असून नावे खालीलप्रमाणे –
महानगरपालिकेचे नाव आरक्षित प्रवर्ग (Reservation Category)
1 बृहन्मुंबई (BMC), सर्वसाधारण
2 ठाणे, अनुसूचित जाती (एससी)
3 कल्याण-डोंबिवली, अनुसूचित जमाती- एसटी (पुरुष)
4 नवी मुंबई, सर्वसाधारण
5 वसई-विरार, सर्वसाधारण
6 भिवंडी-निजामपूर, सर्वसाधारण
7 मीरा-भाईंदर, सर्वसाधारण
8 उल्हासनगर, ओबीसी- महिला किंवा पुरूष
9 पुणे, सर्वसाधारण
10 पिंपरी-चिंचवड, सर्वसाधारण
11 नागपूर, सर्वसाधारण
12 अहिल्यानगर, ओबीसी- महिला
13 नाशिक, सर्वसाधारण
14 छत्रपती संभाजीनगर, सर्वसाधारण
15 अकोला, ओबीसी-महिला
16 अमरावती, सर्वसाधारण
17 लातूर, अनुसूचित जाती (एससी)- महिला
18 नांदेड-वाघाळा, सर्वसाधारण
19 चंद्रपूर, ओबीसी- महिला
20 धुळे, सर्वसाधारण
21 जळगाव, ओबीसी- महिला
22 मालेगाव, सर्वसाधारण
23 कोल्हापूर, ओबीसी-महिला किंवा पुरूष
24 सांगली-मिरज-कुपवाड, सर्वसाधारण
25 सोलापूर, सर्वसाधारण
26 इचलकरंजी, ओबीसी- महिला किंवा पुरूष
27 जालना, अनुसूचित जाती (एससी)- महिला
28 पनवेल, ओबीसी- महिला किंवा पुरूष
29 परभणी, सर्वसाधारण
