कोल्हापूर : कोल्हापूरमध्ये धक्कादायक घटना घडली आहे. एका धार्मिक संस्थेमध्ये अल्पवयीन विद्यार्थ्याला शॉक देऊन संपवण्यात आलेला आहे. या हत्येप्रकरणी समोर आलेलं कारण चकित करणार आहे. कोल्हापूरच्या हातकणंगले तालुक्यातील आळते या ठिकाणी ही घटना घडली. (Kolhapur Crime News)
एका धार्मिक शिक्षण देणाऱ्या संस्थेत अल्पवयीन विद्यार्थ्याची हत्या करण्यात आली आहे. फैजान नाजिमा (वय 11) असे मृत मुलाचे नाव आहे. संस्थेतील एक अल्पवयीन मुलानेच फैजान याचे हत्या केल्याचं माहिती समोर आली आहे. (Kolhapur Crime News)
हत्या केल्यामागच कारण काय?
ही संस्था बंद पडून आपल्याला घरी जायला मिळावे, यासाठी अल्पवयीन विद्यार्थ्याने फैजानची हत्या केली. अशी माहिती समोर आली आहे. फैजानचा मृतदेह आढळून आला तेव्हा झोपेतच त्याचा मृत्यू झाला असे सुरुवातीला सांगण्यात आले. या घटनेचे चौकशी पोलिस करत होते. या दरम्यान पोलिसांना संशय आल्याने संस्थेमधील विद्यार्थांना बोलावून चौकशी करत असताना एका अल्पवयीन विद्यार्थ्याने आपणच फैजानला इलेक्ट्रिक वायरचा शॉक देऊन त्याची हत्या केल्याची कबुली दिली. (Kolhapur Crime News)
धार्मिक शिक्षण संस्थेत तब्बल 80 विद्यार्थी आहेत. या विद्यार्थ्यांमध्ये 70 विद्यार्थी हे बिहार या राज्यातील आहेत. अल्पवयीन फैजान नजीमा आणि हत्या करणारा हे दोघेही बिहार राज्यातील आहेत. हत्या करणारा विद्यार्थांला आपल्या गावी म्हणजेच बिहारला जायचे होते. त्यासाठी ही संस्था बंद पडावी, या उद्देशाने त्याने फैजानला शॉक देऊन त्याची हत्या केली. (Kolhapur Crime News)
