मुरबाड – मुरबाडजवळील प्रसिद्ध सिद्धगड ट्रेकदरम्यान एक दुर्दैवी अपघात घडला. नवी मुंबईतील रहिवासी साईराज नाईक (वय २५) हा ट्रेकसाठी सिद्धगडावर गेला असताना तोल जाऊन खोल दरीत पडला. दोन दिवसांच्या शोधमोहीमेनंतर अखेर आज त्याचा मृतदेह सापडला.
साईराज मित्रांसोबत सिद्धगड ट्रेकसाठी गेला होता. ट्रेकदरम्यान पाय घसरून तो खोल दरीत कोसळला. मित्रांनी लगेच स्थानिक प्रशासन आणि आपत्कालीन यंत्रणांना माहिती दिली. रात्र होत असल्याने शोधमोहीम थांबवण्यात आली होती. दुसऱ्या दिवशी सकाळपासून पुन्हा शोध सुरू करण्यात आला होता. अखेर दोन दिवसांनी आज सकाळी त्याचा मृतदेह दरीत सापडला.
स्थानिक पोलीस, आपत्कालीन बचाव पथक आणि ट्रेकर्सच्या मदतीने मृतदेह दरीतून बाहेर काढण्यात आला. ही घटना अत्यंत हृदयद्रावक असून ट्रेक करताना आवश्यक ती काळजी घेण्याचे आवाहन प्रशासनाकडून करण्यात आले आहे.
