लोकशाहीसाठी महिला मंडळाचा निर्णय
अकोला : प्रा. अंजलीताई आंबेडकर महिला मंडळ आकृतीनगर, मलकापूर यांनी लोकशाही जिवंत ठेवण्यासाठी व आजची लोकशाही मारक व्यवस्था पाहता लोकसभेत फुले शाहू आंबेडकर विचारधारेचे लोकप्रतिनिधी निवडून गेले पाहिजे, यासाठी यंदाची आंबेडकर जयंती ही वाजत गाजत व नाचत साजरी न करण्याचा निर्णय घेतला आहे. तसेच जयंतीच्या खर्चाची रक्कम वंचित बहुजन आघाडीच्या लढ्यासाठी देवून आदर्श घालून दिला आहे.
जयंतीसाठी जमा झालेली वर्गणीची संपूर्ण रक्कम वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या विजयासाठी मदत म्हणून ॲड. आंबेडकर आणि प्रा. अंजलीताई आंबेडकर यांच्याकडे यशवंत भवन, अकोला येथे सुपूर्द करण्यात आली. या वेळी महिला प्रदेश महासचिव अरूंधतीताई शिरसाट उपस्थित होत्या.
